Վարչապետն ընդունել է Ֆրանսիա-Հայաստան միջխորհրդարանական բարեկամական խմբի նախագահի գլխավորած պատվիրակությանը

Քաղաքականություն

27.03.2024 | 14:46

Լուրեր

11.03.2026 | 15:33

Պապիկյանի գլխավորած պատվիրակությունը մեկնել է Բրյուսել

11.03.2026 | 15:31

Ադրբեջանը ԵՄ-ի առանցքային գործընկերն է. ԵԽ նախագահն այցով Բաքվում է

11.03.2026 | 15:28

Պուտինը հեռախոսազրույց է ունեցել Ալիևի հետ

11.03.2026 | 15:19

ԲԸՏՄ-ն առգրավել է որսորդական հրացաններ և ապօրինի որսված 159 արտույտ

11.03.2026 | 15:15

Սևանի «Հարսնաքարի» վերաբերյալ Դատախազության հայցն ընդունվել է վարույթ. անշարժ գույքի նկատմամբ կիրառվել է հայցի ապահովման միջոց

11.03.2026 | 15:10

ԱԺ ընտրությունները նոր կարգով կանցկացվեն // Իրանի նոր գերագույն առաջնորդը վիրավոր է․ ԼՈՒՐԵՐ

11.03.2026 | 15:06

Նիկոլ Փաշինյանի ելույթը Եվրախորհրդարանում. ՈՒՂԻՂ

11.03.2026 | 15:01

Զելենսկին հայտարարել է, որ Ռուսաստանը կարող է զորքեր ուղարկել Իրան

11.03.2026 | 14:53

Բա եթե էդ ծառը ալերգիա էր առաջացնում, ինչու իմ հարցից հետո չեն հատել․ Էդուարդ Հայրումյան․ ՏԵՍԱՆՅՈՒԹ

11.03.2026 | 14:44

Փաշինյանի և կնոջ բաժանումից հետո «Իմ քայլը» հիմնադրամն ասոցացվո՞ւմ է ՔՊ-ի հետ․ հարց՝ ԿԸՀ նախագահին․ ՏԵՍԱՆՅՈՒԹ

11.03.2026 | 14:37

Երրորդ նավն է վնասվել Հորմուզի նեղուցում

11.03.2026 | 14:29

Էս հեղուկը պիտի բարձրանա սնուցի, որ սաղարթ ձևավորվի, բայց մեջը դատարկ է․ Բեգոյան. ՏԵՍԱՆՅՈՒԹ

11.03.2026 | 14:21

Արման Ծառուկյանը հանդիպել է առաջիկա մրցակցի հետ․ ՏԵՍԱՆՅՈՒԹ

11.03.2026 | 14:13

Բրյանսկին ուկրաինական հրթիռային հարվածի հետևանքով 6 զոհ կա, տուժածների թիվը հասել է 42-ի. հայտարարվել է սգո օր

11.03.2026 | 14:08

11 միլիոնով սարք ենք ձեռք բերել, որ ծառերի վիճակը ստուգենք․ Արմեն Բեգոյան․ ՏԵՍԱՆՅՈՒԹ

Բոլորը

Վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը․ տեղեկացնում են ՀՀ վարչապետի աշխատակազմից։

Վարչապետը ողջունել է միջխորհրդարանական բարեկամական խմբի անդամների այցը Հայաստան և շնորհակալություն հայտնել Հայաստանի հետ կապված օրակարգերին նվիրվածության համար: Վարչապետը կարևորել է Հայաստանի և Ֆրանսիայի խորհրդարանների միջև ձևավորված ամուր կապերը և ընդգծել երկկողմ բարձր մակարդակի ինտենսիվ համագործակցության փաստը:

Անն-Լորանս Պետելը նշել է, որ բարեկամական խմբի կազմում են ԱԺ բոլոր խմբակցությունների ներկայացուցիչները, որոնք ունեն Հայաստանին աջակցության քաղաքական անվերապահ կոնսենսուս:

Զրուցակիցներն անդրադարձել են Հայաստան-Ֆրանսիա բազմաոլորտ համագործակցությանը, միջխորհրդարանական փոխգործակցությանը, մեր երկրում ֆրանսիական ընկերությունների գործունեությանը, ներդրումային ծրագրերում ներգրավմանը, ենթակառուցվածքների, գյուղատնտեսության, էներգետիկայի և այլ ուղղություններով ծրագրերի իրականացմանը վերաբերող հարցերի:

Քննարկվել են Հարավային Կովկասում տեղի ունեցող գործընթացները: Վարչապետ Փաշինյանն անդրադարձել է Հայաստան-Ադրբեջան խաղաղության պայմանագրի շուրջ քննարկումներին և ընդգծել, որ պայմանագրի սկզբունքները հիմնարար կերպով համաձայնեցվել են 2022 թվականի հոկտեմբերի 6-ին Պրահայում կայացած քառակողմ հանդիպման շրջանակում ընդունված հայտարարությամբ: Քննարկվել են նաև տարածաշրջանային ենթակառուցվածքների ապաշրջափակման հնարավորությունները: Այս համատեքստում Նիկոլ Փաշինյանը ներկայացրել է ՀՀ կառավարության «Խաղաղության խաչմերուկ» նախագիծն ու դրա սկզբունքները:

Մտքեր են փոխանակվել Հայաստանում Եվրոպական միության քաղաքացիական առաքելության գործունեության, Հայաստան-ԵՄ համագործակցության հետագա զարգացման շուրջ:

Անդրադարձ է կատարվել նաև Լեռնային Ղարաբաղից բռնի տեղահանված անձանց հումանիտար խնդիրներին, դրանց լուծման ուղղությամբ ՀՀ կառավարության քայլերին ու ծրագրերին: Բռնի տեղահանվածների կարիքների լուծման առումով վարչապետ Փաշինյանը կարևորել է նաև միջազգային հանրության հետևողական աջակցությունը: