17.02.2026 | 17:08
Ընտրություններին հայտ ներկայացրած ուժեր կան, որոնց գումարների ծագումից տեղյակ չենք․ փորձագետ. ՏԵՍԱՆՅՈՒԹ
ՀՀ-ում Արգենտինայի նախկին դեսպան Մարիանո Վերգարային շնորհվել է ՀՀ ԱԳՆ երկրորդ կարգի պատվո շքանշան
Քաղաքականություն
26.03.2024 | 21:44
ՀՀ ԱԳ նախարար Արարատ Միրզոյանի՝ Արգենտինա պաշտոնական այցի շրջանակներում ՀՀ ԱԳՆ գլխավոր քարտուղարի պաշտոնակատար Դավիթ Կարապետյանը ՀՀ-ում Արգենտինայի նախկին դեսպան Մարիանո Վերգարային պարգևատրել է ԱԳՆ երկրորդ կարգի պատվո շքանշանով: Այս մասին տեղեկացնում են ՀՀ ԱԳՆ-ից։
«Արգենտինայում ՀՀ դեսպանությունում անցկացված՝ շքանշանի հանձնման պաշտոնական արարողության ընթացքում ելույթներով հանդես են եկել ԱԳՆ գլխավոր քարտուղարի պաշտոնակատար Դավիթ Կարապետյանը, Արգենտինայում ՀՀ արտակարգ և լիազոր դեսպան Հովհաննես Վիրաբյանը և ՀՀ-ում Արգենտինայի նախկին դեսպան Մարիանո Վերգարան:
Ելույթների ընթացքում ընդգծվել է Հայաստանի և Արգենտինայի միջև բարձր մակարդակի քաղաքական երկխոսության առկայությունը, վերջին տարիներին հարաբերությունների զարգացման դինամիկան, ձեռքբերումները, Հարավային Կովկասում և Հայաստանի շուրջ բարդ իրավիճակներում և վայրիվերումների պայմաններում փորձությունների հաղթահարմանն ուղղված համատեղ քայլերը: Առանձնացվել է այս ժամանակաշրջանում դեսպան Վերգարայի ունեցած նշանակալի ներդրումը:
Միջոցառմանը ներկա են գտնվել Արգենտինայի ԱԳՆ, Բուենոս Այրեսում հավատարմագրված դիվանագիտական կորպուսի, ինչպես նաև հայ համայնքի ներկայացուցիչներ, հասարակական-քաղաքական գործիչներ»,- ասված է հաղորդագրության մեջ:
