29.04.2024 | 15:34
Թմրանյութերի առերևույթ գովազդով զբաղվելու մեղադրանքով կալանավորվել է Երևանի 19-ամյա բնակիչ
Բրիտանական դատարանը հետաձգել է Ջուլիան Ասանժի արտահանձնումն ԱՄՆ-ին
Քաղաքականություն
26.03.2024 | 19:11
Բրիտանական դատարանը որոշում է կայացրել հետաձգել WikiLeaks-ի հիմնադիր, լրտեսության մեջ մեղադրվող Ջուլիան Ասանժի արտահանձնումն ԱՄՆ-ին, ինչը թույլ է տալիս նրան կրկին բողոքարկել արտահանձնման որոշումը, հաղորդում է Euronews-ը։
Լոնդոնի դատարանը երեք շաբաթ ժամանակ է տվել ԱՄՆ կառավարությանը՝ երաշխիքներ տալու, որ Ասանժի իրավունքները դատարանում կհարգվեն, և նրան մահապատիժ չի սպառնա։
Նման երաշխիքների բացակայության դեպքում Ասանժն իրավունք կունենա վիճարկել իր արտահանձնման վերաբերյալ բրիտանական ՆԳՆ ղեկավարի որոշումը, և դատարանը կրկին կքննարկի Ասանժի պաշտպանների փաստարկների ամբողջ շրջանակը, որոնք պնդում են, որ ԱՄՆ-ին արտահանձնվելու դեպքում նրա կյանքը և առողջությունը վտանգի տակ կլինեն։
Այս գործով դատական նոր նիստը տեղի կունենա մայիսի 20-ին։
Ասանժի կինը քննադատել է Լոնդոնի դատարանի որոշումը և կոչ արել ազատ արձակել իր ամուսնուն։
