23.11.2024 | 19:00
Այսօր չկան կիրթ մեկենասներ, հայ կոմպոզիտորները ճանաչելի չեն դրսում, պետությունը մեծ անելիք ունի. Սաթյան. ՏԵՍԱՆՅՈՒԹ
Ռուսաստանում WSJ-ի լրագրող Էվան Գերշկովիչի կալանքը երկարաձգել են ևս երկու ամսով
Քաղաքականություն
26.03.2024 | 16:50
Մոսկվայի Լեֆորտովոյի շրջանային դատարանը երկու ամսով՝ մինչև հունիսի 30-ը երկարաձգել է The Wall Street Journal ամերիկյան պարբերականի լրագրող Էվան Գերշկովիչի կալանքը՝ լրտեսության գործով (Քրեական օրենսգրքի 276-րդ հոդված): Այս մասին հայտնել է Մոսկվայի ընդհանուր իրավասության դատարանների մամուլի ծառայությունը։
Գերշկովիչը չի ընդունում մեղքը, փոխանցում է Current Time-ը:
ԱՄՆ ղեկավարությունը և The Wall Street Journal-ը կտրականապես հերքում են մեղադրանքները և հայտարարում լրագրողի անմեղության մասին՝ կոչ անելով անհապաղ ազատ արձակել նրան։
Անցյալ տարվա ապրիլին ԱՄՆ Պետքարտուղարությունը Գերշկովիչին հայտարարեց «ապօրինի կալանավորված», ինչը հիմք է տալիս գերատեսչությանը գործել ԱՄՆ քաղաքացու ազատ արձակման շահերից ելնելով։
The Wall Street Journal-ի լրագրող Էվան Գերշկովիչը ձերբակալվել է Եկատերինբուրգում անցյալ տարվա մարտի 30-ին։ Ռուսական հետաքննությունը պնդում է, որ Գերշկովիչը գաղտնի տեղեկություններ է հավաքել ռազմարդյունաբերական համալիրի ձեռնարկություններից մեկի մասին՝ ԱՄՆ-ի պահանջով։ Լրտեսության հոդվածով լրագրողին սպառնում է 12-ից 20 տարվա ազատազրկում։
