15.01.2026 | 11:12
«Ուրարտուի» նախկին ֆուտբոլիստն ընկել է պատուհանից ու մահացել
Ադրբեջանի և Հայաստանի խորհրդարանականների հանդիպումներն օգտակար մեխանիզմ կլինեն կառուցողական քննարկումների համար. Մեջլիսի նախագահ
Քաղաքականություն
25.03.2024 | 11:46
Ադրբեջանի Միլլի Մեջլիսի նախագահ, Միջխորհրդարանական միությունում ադրբեջանական պատվիրակության ղեկավար Սահիբա Գաֆարովան ելույթ է ունեցել Ժնևում Միջխորհրդարանական միության 148-րդ վեհաժողովում «Խորհրդարանական դիվանագիտություն. կամուրջների կառուցում հանուն խաղաղության և փոխըմբռնման» թեմայով։ Ադրբեջանական լրատվամիջոցների հաղորդմամբ՝ նա իր խոսքում անդրադարձել է ՀՀ ԱԺ նախագահ Ալեն Սիմոնյանի հետ տեղի ունեցած հանդիպմանը։
Գաֆարովան բարձր է գնահատել ՄԽՎ-ի ղեկավարության, մասնավորապես, գլխավոր քարտուղար Մարտին Չունգոնգի դերը Ադրբեջանի և Հայաստանի խորհրդարանների նախագահների առաջին հանդիպման համար հարթակ տրամադրելու գործում։ Նա ընդգծել է, որ այսօր երկու երկրներն է՛լ ավելի մոտ են խաղաղությանը, քան երբևէ։
Գաֆարովան ասել է, որ երկու երկրների խորհրդարանականների նման հանդիպումներն օգտակար մեխանիզմ կդառնան կառուցողական քննարկումների համար։
Հիշեցնենք՝ մարտի 22-ին Ժնևում Միջխորհրդարանական միության 148-րդ վեհաժողովի շրջանակում տեղի էր ունեցել Ալեն Սիմոնյանի ու Սահիբա Գաֆարովայի հանդիպումը։
