14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Հայ բռնցքամարտիկները Լիտվայում ոսկե և բրոնզե մեդալներ են նվաճել
24.03.2024 | 11:00
51 կգ քաշային Եվրոպայի գավաթի բրոնզե մեդալակիր Բարեղամ Հարությունյանը Լիտվայում կայացած Եվրոպայի կրկնակի և ԽՍՀՄ բազմակի չեպիոն Ալգիրդաս Շոցիկասի անվան 28-րդ միջազգային մրցաշարում ոսկե մեդալ է նվաճել. հայտնում են Հայաստանի բռնցքամարտի ֆեդերացիայից։
«Եզրափակիչում մարզիկը համառ պայքարում հաղթել է Ուելսի ներկայացուցիչ Ռիչարդ Սքոտին։ Զիջելով առաջին ռաունդում` Բարեղամը 2-րդ և 3-րդ ռաունդներում մեծ տեմպ տվեց պայքարին ու բոլոր առումներով գերազանցեց մրցակցին։ 3-րդ ռաունդի վերջուն հայ բռնցքամարտիկի ուժգին հարվածից հետո ուելսցին վնասվածք ստացավ և մրցավարները գնահատելով մինչև այդ բռնցքամարտիկների վաստակած միավորները` հաղթանակը շնորհեցին Բարեղամ Հարությունյանին։
Այսպիսով մեր բռնցքամարտիկը մենամարտը ավարտեց ժամանակից շուտ։ Դեպի ոսկե մեդալը տանող ճանապարհին Հարությունյանը հաղթել էր նաև Իռլանդիայի և Անգլիայի ներկայացուցիչներին։
Մեր թիմը հայրենիք կվերադառնան նաև մեկ բրոնզե մեդալով։ 67 կգ քաշային Հարություն Հակոբկոխյանը կանգնել է պատվո հարթակի 3-րդ աստիճանին»,- նշված է ֆեդերացիայի հաղորդագրությունում։
