23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Պեսկովը հայտարարել է, թե Ադրբեջանը «չի համաձայնել ՀՀ-ում ԵՄ առաքելության տեղակայմանը»
Քաղաքականություն
20.03.2024 | 14:28
Հայաստանը ԵՄ դիտորդական առաքելությանը հրավիրել է միակողմանի՝ առանց Ադրբեջանի կարծիքը հաշվի առնելու։ Սա կարող է կասկածի տակ դնել դրա արդյունավետությունը, ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Հարցն այն է, թե ո՞րն է դիտարկման առարկան և արդյո՞ք այդ առաքելությունը ճանաչվում է ադրբեջանական կողմի կողմից։ Եթե ճիշտ ենք հասկանում, ադրբեջանական կողմը խիստ բացասական է վերաբերվում այդ առաքելության գործառույթներին, և ես կասկածում եմ, որ նման մանդատն այնտեղ ըմբռնումով կընդունվի։ Դա Հայաստանի միակողմանի որոշումն է»,- ասել է Պեսկովը՝ նշելով, որ արժե կասկածի տակ դնել նման առաքելության հնարավոր արդյունավետությունը։
Հավելենք, որ ՀՀ ԱԺ-ն այսօր վավերացրել է «Հայաստանի Հանրապետության և Եվրոպական միության միջև ՀՀ-ում ԵՄ առաքելության կարգավիճակի մասին» համաձայնագրի նախագիծը։ Որոշումն ընդունվել է ձայների 57 կողմ և 26 ձեռնպահ հարաբերակցությամբ։
