05.06.2026 | 10:42
Զելենսկին բաց նամակ է հղել Պուտինին՝ դեմ առ դեմ հանդիպում առաջարկելով
Հայկական շուրջ 700 բեռնատար մնացել է Վերին Լարսի անցակետում
Քաղաքականություն
19.03.2024 | 18:43
Ձյան առատ տեղումների պատճառով Վերին Լարսի անցակետը շարունակում է փակ մնալ բեռնատարների համար, Factor.am-ի հետ զրույցում տեղեկացրեց ՌԴ–ում ՀՀ դեսպանատան մաքսային կցորդ Վահան Հակոբյանը։
Բեռնատարները ճանապարհը շարունակելու համար դեռ սպասում են, որ ձյան տեղումները դադարեն, որպեսի ճանապարհների մաքրման աշխատանքներ կատարվեն։
Մաքսային կցորդը մանրամասնեց, որ շուրջ 300 հայկական բեռնատար սպասում է վրացական կողմում դեպի Ռուսաստան ճանապարհին, 400-ից ավելի բեռնատար էլ ռուսական կողմում է՝ դեպի Հայաստան ճանապարհին։
«Ճանապարհը փակ է հիմնականում Խաչի լեռնանցքի հատվածում։ Ըստ եղանակային կանխատեսումների՝ ձյան տեղումները դեռ շարունակվելու են։ Վրաստանի ճանապարհային դեպարտամենտը հետևյալ սխեմայով է աշխատում․ սպասում են, որ ձյան տեղումներն ավարտվեն, որից հետո տեսնում են ձնահյուսքի վտանգ կա, նոր միայն կատարում են ձնամաքրման աշխատանքներ».- նշեց Հակոբյանը։
Հավելենք, որ Վերին Լարսը տեղումների պատճառով փակ է ուրբաթ օրվանից։
Հիշեցնենք, որ ռազմավիրական ճանապարհը՝ Վերին Լարսը, ցամաքային միակ ճանապարհն է, որը կապում է Հայաստանը Ռուսաստանի հետ։ Այն պարբերաբար փակվում է վատ եղանակի պատճառով։
Մանյա Պողոսյան
