14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հայկական մոտ 600 բեռնատար սպասում է Վերին Լարսով անցնելուն
Քաղաքականություն
18.03.2024 | 18:14
Այսօր առավոտյան վատ եղանակի պատճառով Վրաստանից Ռուսաստան և հակառակ ուղղությամբ ճանապարհը փակվել է կցորդիչով և կիսակցորդիչով տրանսպորտային միջոցների համար։ Այս մասին Factor TV-ի հետ զրույցում տեղեկացրեց ՌԴ–ում ՀՀ դեսպանատան մաքսային կցորդ Վահան Հակոբյանը։
«Բեռնատարների համար փակ է Խաչի լեռնանցքը։ Թեթև մարդատարների համար ճանապրը բաց է։ Մոտ 300-350 մեքենա ունենք, որ Հայաստանից դուրս է եկել ու Լարսում դեռևս ձևակերպում չի ստացել։ Դրանց մի մասը Վրաստանի տարածքում է, սպասում է ճանապարհը բացվի, որ անցնեն, մի մասն անցել է, ձևակերպում է ստանում։ Մոտ 300-ից 350 բեռնատար էլ ռուսական կողմում է սպասում».- նշեց Հակոբյանը։
Նրա խոսքով, ճանապարհը փակ է դեռ ուրբաթ օրվանից։
«Երեկ երեկոյան մի պահ բացեցին, ճանապարհը մաքրեցին, տեղումները շարունակվեցին, այսօր առավոտյան կրկին փակվեց բեռնատարների համար»,- տեղեկացրեց ՀՀ դեսպանատան Մաքսային կցորդը։
