12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Հարցեր կային, որ տեղում դրանց սրությունն ավելի էմոցիոնալ զգացի․ Նիկոլ Փաշինյան
Քաղաքականություն
18.03.2024 | 18:02
«Հայաստանի այն ուրվագիծը, որ ցույց եմ տվել ասուլիսին, ցույց եմ տվել նաև այստեղ»,- այս մասին Տավուշում «Ազատության» հարցին ի պատասխան ասել է Նիկոլ Փաշինյանը։ Վարչապետը նշել է, որ շուրջ 3,5 ժամ տևած հանդիպմանը լսել է գյուղացիներին հուզող բոլոր հարցերն ու անհանգստությունները։
«Մեր մոտեցումն այն է, որ մարդկանց բարձրացրած այնպիսի մի հարց պետք է չլինի, որը մնա անպատասխան։ Եթե մնա անպատասխան, դա նշանակում է, որ մենք լուծում չունենք հարցին։ Որոշ հարցերին պատասխանով էինք եկել։ Որոշ հարցերի հետ կապված էլ ես մարդկանց ուղիղ ասացի, որ ես այսօր եկել եմ ոչ միայն հարցերին պատասխանելու, այլև այդ հարցերը հավաքելու և այդ հարցերը կառավարության սեղանին՝ որպես օրակարգ դնելու և դրանց պատասխանի շուրջ մտածելու և պատասխանով վերադառնալու համար։ Հարցեր կային, որ տեղում դրանց սրությունը, այսպես ասած, ավելի էմոցիոնալ ու ավելի գործնական զգացի»,- ասաց վարչապետը։
Նշենք, որ վարչապետ Նիկոլ Փաշինյանը Ոսկեպարում հանդիպել է Ոսկեպարի, Բաղանիսի և հարակից բնակավայրերի բնակիչների հետ։
Հիշեցնենք, որ մարտի 12-ին հրավիրած ասուլիսում Փաշինյանը տեղեկացրել էր, որ հնարավոր է սահմանազատումը սկսվի Տավուշից: Փաշինյանը նշել էր, որ առաջիկայում նախատեսում է այցելել սահմանամերձ գյուղեր՝ բնակիչներին բացատրելու՝ ինչ է մտածում և ինչու:
Ըստ վարչապետի՝ Ադրբեջանի հետ սահմանի այն հատվածում, որտեղ «ՀՀ-ի կոմունիկացիաները դե յուրե ՀՀ սահմաններից դուրս են, այդ հատվածները պետք է վերակառուցվեն, որպեսզի ՀՀ բոլոր կոմունիկացիաները անցնեն ՀՀ դե յուրե տարածքով»:
