23.11.2024 | 12:56
Երկրաշարժ Ադրբեջանում․ այն զգացվել է նաև Սյունիքի մարզում՝ 3-4 բալ ուժգնությամբ
Ստոլտենբերգն ու Բայրամովը ՀՀ-Ադրբեջան կարգավորման գործընթացն են քննարկել
Քաղաքականություն
18.03.2024 | 15:16
Ադրբեջանի արտաքին գործերի նախարար Ջեյհուն Բայրամովը Բաքվում հանդիպել է ՆԱՏՕ-ի գլխավոր քարտուղար Յենս Ստոլտենբերգի հետ։ Ադրբեջանի ԱԳՆ-ի հաղորդմամբ՝ հանդիպման ընթացքում քննարկվել են Բաքվի և ՆԱՏՕ-ի միջև համագործակցության օրակարգից բխող հարցեր, ինչպես նաև տարածաշրջանում առկա իրավիճակը։
Բայրամովը խոսել է Արցախում «շինարարական և վերականգնողական աշխատանքների, ականների վտանգի, ինչպես նաև Ադրբեջանի և Հայաստանի միջև հարաբերությունների կարգավորման գործընթացի մասին»։ Նա նշել է, որ «կան պատմական պայմաններ ադրբեջանա-հայկական խաղաղության օրակարգի առաջմղման համար», և որ Բաքուն, իբր, կայուն ջանքեր է գործադրում՝ այդ ուղղությամբ հնարավորություններն առավելագույնի հասցնելու համար։
Ստոլտենբերգը խոսել է ՆԱՏՕ-ի տարածաշրջանում էներգետիկ անվտանգության գործում Ադրբեջանի ներդրման կարևորության, ինչպես նաև ՆԱՏՕ-ի հետ համագործակցության շրջանակում բազմաթիվ խաղաղապահ առաքելություններում Ադրբեջանի գործունեության մասին։
Կողմերը քննարկել են նաև երկկողմ հետաքրքրություն ներկայացնող այլ տարածաշրջանային և միջազգային հարցեր։
Ավելի վաղ Ստոլտենբերգը Բաքվում հանդիպումներ էր անցկացրել Ադրբեջանի նախագահ Իլհամ Ալիևի ու ՊՆ ղեկավար Զաքիր Հասանովի հետ։
ՆԱՏՕ-ի գլխավոր քարտուղարը մեկնել է Վրաստան, այնուհետև ժամանելու է Հայաստան։
