13.05.2024 | 09:55
Ոստիկանությունը բերման է ենթարկում ակցիայի մասնակիցներին․ ՏԵՍԱՆՅՈՒԹ
ԵԽ Նախարարների կոմիտեն կոչ է արել Ադրբեջանի իշխանություններին կատարել ՄԻԵԴ որոշումները
Քաղաքականություն
15.03.2024 | 20:16
Մարտի 12-14-ի նիստում ԵԽ Նախարարների կոմիտեն Մարդու իրավունքների եվրոպական դատարանի վճիռների կատարման մոնիտորինգի շրջանակներում մի շարք որոշումներ է ընդունել, այդ թվում՝ Ադրբեջանին վերաբերող, գրում է ադրբեջանական «Թուրան» գործակալությունը։
Դրանցից մեկը վերաբերում է «Ադրբեջանի դեմ Մամեդլիի խմբի գործին»։ Խոսքը քաղաքացիական հասարակության ներկայացուցիչների՝ Ինթիգամ Ալիևի, Խադիջա Իսմայիլի, Անար Մամեդլիի, Գիյաս Իբրահիմովի, Բայրամ Մամեդովի (հիմա մահացած է), Արիֆ և Լեյլա Յունուսների բողոքների վերաբերյալ ՄԻԵԴ-ի որոշումներն ամբողջությամբ չկատարելուն։
ՄԻԵԴ որոշումը հիշեցնում է, որ դիմումատուները հետապնդվել են իշխանություններին քննադատելու համար, և նրանց առնչությամբ խախտվել է Եվրոպական կոնվենցիայի 18-րդ հոդվածը՝ հետապնդման քաղաքական դրդապատճառը։
Նախարարների կոմիտեն հաստատել է դիմումատուների քրեական գործերը վերացնելու և քրեական մեղադրանքների բոլոր հետևանքները վերացնելու, նրանց քաղաքացիական իրավունքները լիովին վերականգնելու պահանջը:
Կոմիտեն վերահաստատել է իր կոչը իշխանություններին՝ ձեռնարկել բոլոր միջոցները՝ ապահովելու համար, որ դիմումատուների մեղադրական դատավճիռները անհապաղ չեղյալ հայտարարվեն:
Նախարարների կոմիտեի նախագահին հանձնարարվել է նամակ հղել Ադրբեջանի իշխանություններին և հորդորել արագ լուծումներ գտնել այս գործերով ՄԻԵԴ որոշումների լիարժեք և արդյունավետ իրականացման համար։
Նախարարների կոմիտեն կվերադառնա այս հարցը քննարկելու 2024 թվականի հունիսին։
Նախարարների կոմիտեն նման որոշում է կայացրել «Գաֆգազ Մամեդովի խումբն ն ընդդեմ Ադրբեջանի» գործով, որը վերաբերում է ՄԻԵԴ-ի որոշումներին վարչական ձերբակալությունների վերաբերյալ մի խումբ ակտիվիստների բողոքների վերաբերյալ։
Եվս մեկ որոշումն էլ կապված է «Մակուչյանն ու Մինասյանն ընդդեմ Ադրբեջանի» գործի հետ, որը կապված է Հունգարիայում Ռամիլ Սաֆարովի կողմից հայ սպա Գուրգեն Մարգարյանի սպանության հետ։ Ադրբեջանին կոչ է արվել կատարել ՄԻԵԴ որոշումը։
