13.05.2024 | 15:51
ՌԴ զորքերը շրջապատել են Խարկովի Վոլչանսկ բնակավայրը․ բնակիչները տարհանվում են
Թուրքիայի ափերին միգրանտների տեղափոխող նավ է խորտակվել՝ 16 մարդու կյանք խլելով
Քաղաքականություն
15.03.2024 | 17:00
Թուրքիայում Չանաքքալեի մոտ անօրինական միգրանտների տեղափոխող նավ է խորտակվել։ Չանաքքալեի նահանգապետ Իլհամի Աքթաշը հայտնել է, որ նավը խորտակվել է Էջեաբաթի ափեր մեջ, փոխանցում են թուրքական լրատվամիջոցները։
Նա նշել է, որ նավը խորտակվել է գիշերը։
Առափնյա պահպանության ջոկատները փրկել են 2 մարդու, նրանք տեղափոխվել են հիվանդանոց։ Հստակ տեղեկություն չկա, թե քանի մարդ է եղել նավում։ Նրանց ազգությունը ևս հայտնի չէ։
«Փորձում ենք պարզել զոհերի թիվը։ Փրկվածները հարցաքննվում են: Որոշ հակասական տեղեկություններ կան։ Առայժմ 4 մարդ ողջ է, նրանց հաջողվել է փրկել, կա 16 զոհ։ Նախնական տվյալներով՝ մահացածներից 4-ը երեխաներ և նորածիններ են»,- ասել է թուրք պաշտոնյան։
Տարածաշրջանում շարունակվում են առափնյա պահպանության 10 նավերի, 2 ուղղաթիռի, ծովային ոստիկանության և այլ խմբերի մասնակցությամբ որոնողափրկարարական աշխատանքները։
