07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Ադրբեջանի 2023թ. ռազմական և անվտանգության ծախսերը կազմել են 3,5 մլրդ դոլար
Քաղաքականություն
15.03.2024 | 15:42
Ադրբեջանի իշխանությունները 2023 թվականին, 2022-ի համեմատ, 19,6 տոկոսով ավելացրել են պաշտպանության և ազգային անվտանգության ոլորտում բյուջեի ծախսերը՝ մինչև 5,9 մլրդ մանաթ (շուրջ 3,5 մլրդ դոլար ): Այս մասին հայտարարել է վարչապետ Ալի Ասադովը։
«Պաշտպանության և ազգային անվտանգության համար պետական բյուջեից հատկացված ծախսերը 2023 թվականին կազմել են 5,9 միլիարդ մանաթ։ Սա 19,6%-ով ավելին է, քան 2022 թվականին»,- ասել է Ասադովը՝ Միլլի Մեջլիսին ներկայացնելով կառավարության 2023 թվականի գործունեության հաշվետվությունը:
Նա ասել է, որ իշխանությունները հատուկ ուշադրություն են դարձնում երկրի պաշտպանունակությանը և ազգային անվտանգության ամրապնդմանը։
«Ուստի բանակի զարգացումը և ազգային անվտանգության ներուժի մեծացումը կշարունակվեն»,- ասել է Ասադովը՝ հավելելով, որ հետագա տարիներին պետական բյուջեից այդ նպատակների համար զգալի միջոցներ կհատկացվեն։
