07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Ադրբեջանի ԶՈՒ-ն Նախիջևանում ԱԹՍ-ների կիրառմամբ զորավարժություններ է անցկացրել
Քաղաքականություն
15.03.2024 | 16:40
Նախիջևանի առանձին համազորային բանակում գումարտակների, դիվիզիոնների հրամանատարների և նրանց տեղակալների հետ զորավարժություններ են անցկացվել հրամանատարական պատրաստության համակարգի վերաբերյալ, հայտնում է Ադրբեջանի ՊՆ-ն։
Սպաների տեսական գիտելիքների և գործնական հմտությունների կատարելագործման, ստորաբաժանումների կառավարման հմտությունների ամրապնդման նպատակով անցկացվող ուսումնական պարապմունքներում հիմնական շեշտը դրվել է մարտավարական, հետախուզական, կրակային, ֆիզիկական և մարտական պատրաստության դասընթացների պլանավորման և անցկացման վրա:
Հաղորդվում է, որ սպաների հետ վարժանքների ընթացքում մշակվել են այնպիսի հարցեր, ինչպիսիք են ժամանակակից համակցված մարտերում առաջացող նոր պահանջների կարևորությունը, կառավարման հնարավոր խնդիրները, ինչպես նաև անօդաչու թռչող սարքերի և փոքր չափի կվադրոկոպտերների դեմ պայքարի հարցերը:
Ադրբեջանի ՊՆ-ն մարտի 9-ին ևս հայտնել էր Նախիջևանում զորավարժությունների իրականացման մասին։ Նշվում էր, որ զորավարժություններին մասնակցող ստորաբաժանումները խաղարկում են մարտական գործողությունների մի շարք սցենարներ, այդ թվում՝ պայմանական հակառակորդի ամրացված դիրքերի և ճակատային գծի մոտ գտնվող հրամանատարական կետի գրավումը։
