07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Իրանի և Ադրբեջանի նախագահներն առաջիկայում կհանդիպեն սահմանին՝ Խոդաֆերինում
Քաղաքականություն
15.03.2024 | 18:23
Իրանի և Ադրբեջանի նախագահներ Էբրահիմ Ռաիսին ու Իլհամ Ալիևն առաջիկա օրերին հանդիպելու են Խոդաֆերինում։ Այս մասին ադրբեջանական Baku TV-ին հայտնել է Բաքվում Իրանի դեսպան Սեիդ Աբբաս Մուսավին։
Նա ասել է, որ Նովրուզից առաջ երկու երկրների ղեկավարները հանդիպելու են Խոդաֆերինում, որտեղ նրանց ներկայությամբ Իրան-Ադրբեջան սահմանին տեղի կունենա «Խոդաֆերին» և «Գիզ գալասի» հիդրոէլեկտրակայանների բացման արարողությունը։
«Հուսով եմ, որ երկու երկրների էներգետիկայի նախարարները շուտով կհանդիպեն՝ նախապատրաստական աշխատանքներ իրականացնելու համար։ Երկու պետությունների ղեկավարների մասնակցությամբ սահմանին տեղի կունենա «Խոդաֆերին» և «Գիզ գալասի» հիդրոէլեկտրակայանների և համապատասխան ամբարտակների բացման արարողությունը»,- ասել է դեսպանը։
Նա նշել է, որ աշխատանքները շարունակվելու են նաև Արաքս գետի կամրջի անցակետի, ինչպես նաև Աղբենդայի կամրջի վրա գտնվող ճանապարհային և երկաթուղային գիծը արագ շահագործման հանձնելու ուղղությամբ: Օրերս Ադրբեջանի էներգետիկայի նախարարությունը հայտնել էր, որ վերոնշյալ հիդրոէլեկտրակայանների կառուցումն ավարտվել է 96 տոկոսվ։
