23.11.2024 | 17:33
Նոյեմբերի 25-ին Հայաստանի մի շարք հասցեներում էլեկտրաէներգիայի անջատումներ կլինեն
Պահպանողական կուսակցությունը ողջունում է ԵԽ բանաձևը և իշխանություններին կոչ անում բարեփոխումներ իրականացնել
Քաղաքականություն
14.03.2024 | 16:08
Պահպանողական կուսակցությունը հայտարարություն է տարածել, որով ողջունում է ԵԽ բանաձևը և իշխանություններին կոչ անում իրականացնել բարեփոխումներ։
Հայտարարությունը՝ ստորև։
«Պահպանողական կուսակցությունը ողջունում է Եվրոպական խորհրդարանի բանաձևը և վերստին հորդորում ՀՀ կառավարությանը գործուն քայլեր ձեռնարկել անկախությունն ու ժողովրդավարությունն ամրապնդելու ուղղությամբ։ Մասնավորապես՝
– դադարեցնել քաղաքական դրդապատճառներով հետապնդումները,
– վերացնել համակարգային կոռուպցիան,
– իրականացնել լյուստրացիա՝ իշխանությունից հեռացնել ռուսական գործակալներին,
– իրականացնել դեկոմունիզացիա՝ անվանափոխել ռուս-խորհրդային անվանումները,
– ՀՀ-ից դուրս հրավիրել ռուսական զորքերը,
– ՀՀ-ն դուրս բերել ՀԱՊԿ-ից, ԵԱՏՄ-ից, ԱՊՀ-ից,
– ազգայնացնել երկաթուղին, օդային տարածքը, կարևոր ենթակառուցվածքները,
– անվտանգային ու պաշտպանական ռազմավարությունը համապատասխանեցնել ՆԱՏՕ-ի չափանիշներին և մոտեցումներին։
Վերստին նախազգուշացնում ենք, որ եթե ՀՀ իշխանությունը հնարավորինս արագ չիրականացնի անկախության և ժողովրդվարության բարեփոխումներն, ապա ՔՊ-ական իշխանությունը կորակվի ռուսամետ, դրանից բխող աղետալի հետևանքներով, որոնք կանխելու համար կծագի իշխանափոխության հրատապ անհրաժեշտություն»։
Հիշեցնենք, որ երեկ Եվրախորհրդարանի լիագումար նիստին ներկայացված ԵՄ-ի և Հայաստանի միջև կապերի սերտեցման, Հայաստանի և Ադրբեջանի միջև խաղաղության համաձայնագրի անհրաժեշտության վերաբերյալ բանաձևն ընդունվեց 504 կողմ, 4 դեմ, 32 ձեռնպահ քվեով։
