22.07.2026 | 22:19
43 մլն դրամ՝ «Մերիդիան»-ի հարակից 4000 քմ տարածքի ասֆալտապատման համար․ աշխատանքները պետք է ավարտին հասցվեն մինչև հոկտեմբեր
Հարավային Կովկասում կայունության պահպանումը Թուրքիայի առաջնահերթություններից է․ Էրդողան
Քաղաքականություն
13.03.2024 | 12:21
Հարավային Կովկասում կայունության պահպանումը Թուրքիայի առաջնահերթություններից է: Anadolu-ի փոխանցմամբ՝ այս մասին հայտարարել է Թուրքիայի նախագահ Ռեջեփ Թայիփ Էրդողանը։
«Հարավային Կովկասում կայունության պահպանումը Թուրքիայի առաջնահերթություններից է։ Մեր ցանկությունն է, որ Ադրբեջանի և Հայաստանի միջև խաղաղության համաձայնագրի ստորագրմամբ տարածաշրջանում նոր դարաշրջան սկսվի»,- ասել է Էրդողանը։
Թուրքիայի նախագահը նաև հույս է հայտնել, որ Արևելյան Միջերկրական և Էգեյան ծովում Հունաստանի հետ հարաբերություններում վերջերս ձևավորված բացասական մթնոլորտը կփոխվի, և ջանքերը կոնկրետ արդյունքներ կբերեն։
Ընդգծելով, որ անհնար է հասնել լուծման՝ անտեսելով Հյուսիսային Կիպրոսի թուրքական հանրապետության իրավունքներն ու շահերը և նրա ինքնիշխան իրավահավասարությունը, Էրդողանն ասել է, որ Թուրքիան միշտ աջակցում է քայլերին, որոնք նպաստում են Բալկաններում կայունությանը և խաղաղությանը։
