05.06.2026 | 13:18
ԱՊՀ ՄԽ դիտորդական առաքելության պատվիրակությունը հյուրընկալվել է ԿԸՀ-ում
Բաքվում մարտի 15-ին սպասվում է Թուրքիայի, Ադրբեջանի ու Վրաստանի ԱԳ նախարարների հանդիպումը
Քաղաքականություն
12.03.2024 | 18:08
Մարտի 15-ին Բաքվում տեղի է ունենալու Թուրքիայի, Ադրբեջանի ու Վրաստանի ԱԳ նախարարների հանդիպումը։ Այս մասին հայտնում են ադրբեջանական լրատվամիջոցները։
Փետրվարին Անկարայում Վրաստանի ԱԳ նախարար Իլյա Դարչիաշվիլիի և Թուրքիայի ԱԳ նախարար Հաքան Ֆիդանի հանդիպման ժամանակ էր հայտարարվել , որ այս տարվա մարտին երեք երկրների արտգործնախարարներ կհանդիպեն։ Նման ձևաչափով հանդիպումները պարբերաբար բնույթ են կրում։
Ադրբեջանի Անվտանգության խորհրդի քարտուղար Ռամիլ Ուսուբովն էլ այցով գտնվում է Վրաստանում։ Ուսուբովը հանդիպել է Վրաստանի ներքին գործերի նախարար Վախթանգ Գոմելաուրիի հետ։ Հանդիպման ընթացքում կողմերը քննարկել են նաև տարածաշրջանում առկա իրադարձությունները և անվտանգության խնդիրները։
Էմմա Չոբանյան
