17.03.2026 | 20:21
ՄԱԿ-ը զգուշացնում է, որ Մերձավոր Արևելքում հակամարտությունը կարող է սովի մատնել ևս 45 միլիոն մարդու
Երևանը ծանուցել է «Զվարթնոց»-ում ռուս սահմանապահների աշխատանքի դադարեցման մասին․ Պեսկով
Քաղաքականություն
12.03.2024 | 13:57
ՌԴ-ն Հայաստանից ծանուցում է ստացել «Զվարթնոց» օդանավակայանում ռուս սահմանապահների աշխատանքը դադարեցնելու մասին։ Այս մասին հայտնել է ՌԴ նախագահի մամուլի խոսնակ Դմիտրի Պեսկովը լրագրողների հետ զրույցում պատասխանելով ՏԱՍՍ-ի հարցին։
«Իսկապես այս կապակցությամբ գերատեսչական գրություն է ստացվել, և այժմ շփումներ են իրականացվում գերատեսչությունների միջոցով։ Հիմա ավելին չեմ կարող ասել»,- ասել է Պեսկովը՝ մեկնաբանելով ՀՀ վարչապետ Նիկոլ Փաշինյանի հայտարարությունը «Զվարթնոց» օդանավակայանում ռուս սահմանապահների աշխատանքը դադարեցնելու հետ կապված ռուսական կողմին ծանուցելու մասին հայտարարությունը։
Պեսկովը նաև հավելել է, որ «բոլոր հնարավոր մակարդակներում շփումները շարունակվելու են»։
