Հանրային կառավարման բարեփոխումները դիտում ենք նոր քաղաքական և քաղաքացիական մշակույթի զարգացման խթան. Արայիկ Հարությունյան

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Վարչապետի աշխատակազմի ղեկավար Արայիկ Հարությունյանն այսօր մասնակցել է Հայաստանում հանրային կառավարման սկզբունքների մեկնարկի միջոցառմանը:

Միջոցառմանը մասնակցել են նաև Հայաստանում Եվրամիության դեսպան Վասիլիս Մարագոսը, ՍԻԳՄԱ ծրագրի ղեկավար Գրեգոր Վիրանթը,  Հայաստանում միջազգային կազմակերպությունների և տարբեր գերատեսչությունների ներկայացուցիչներ:

Վարչապետի աշխատակազմի ղեկավարը հանդես է եկել ողջույնի խոսքով, որում, մասնավորապես, նշել է.

«Ձերդ գերազանցություն՝ հարգելի՛ պարոն դեսպան,

Հարգելի՛ գործընկերներ,

Ուրախ եմ ողջունել բոլորիդ Հայաստանում հանրային կառավարման սկզբունքների մեկնարկի միջոցառմանը:

Պետական արդյունավետ կառավարումն ու հանրային իշխանության մարմինների թափանցիկ ու հաշվետու գործունեությունը ցանկացած ոլորտի բարեփոխումների իրականացման նախապայման է: Միաժամանակ, հանրային ծառայություններից քաղաքացիների գոհունակության մակարդակից է կախված պետության նկատմամբ հանրային վստահությունը, որն էլ ժողովրդավարական հասարակության հիմնաքարն է:

Սա է պատճառը, որ ոլորտի բարեփոխումները Հայաստանի Հանրապետության կառավարության առաջնահերթություններից են: Այս առումով ՍԻԳՄԱ նախաձեռնության կողմից հրապարակվող սկզբունքներն այն ուղենիշներն են, որոնցով առաջնորդվում ենք Հայաստանում ոլորտի բարեփոխումները մշակելիս:

Եվրամիության ու ՍԻԳՄԱ-ի հետ հանրային կառավարման բարեփոխումների ուղղությամբ մեր արդյունավետ համագործակցությունը բազմաթիվ տարիների պատմություն ունի: Այս ուղղությամբ բարեփոխումների իրականացման հանձնառությունը մենք ստանձնել ենք նաև Համապարփակ և ընդլայնված գործընկերության համաձայնագրով: ՍԻԳՄԱ-ի կողմից 2019 թվականին հրապարակված ելակետային գնահատման զեկույցի հիման վրա 2022 թվականին Կառավարությունն ընդունել է Հանրային կառավարման բարեփոխումների ռազմավարությունը՝ սահմանելով իր առաջնահերթությունները քաղաքականությունների մշակման, ծառայությունների մատուցման, մարդկային ռեսուրսների կառավարման և ինստիտուցիոնալ արդիականացման ուղղություններով: Անցած տարի մենք վերանայել ենք մեր ռազմավարությունը՝ այն ներդաշնակեցնելով ՍԻԳՄԱ-ի կողմից հրապարակված հանրային կառավարման վերանայված սկզբունքներին՝ ավելի շեշտադրելով քաղաքացիակենտրոն քաղաքականությունների և ծառայությունների մշակման անհրաժեշտությունը:

Կցանկանամ ընդգծել, որ ռազմավարության ընդունումից ի վեր՝ արդեն իսկ արձանագրել ենք մի շարք ձեռքբերումներ: Մասնավորապես՝ վերջնականացման փուլում են պետության ռազմավարական կառավարման, այդ թվում՝ մշտադիտարկման և գնահատման նոր համակարգի ներդրման աշխատանքները, որոնք կապահովեն փաստահենք քաղաքականությունների մշակման պրակտիկա: Առաջիկայում կտրվի հանրային ծառայությունների միասնական թվային հարթակի մեկնարկը, արդեն իսկ գործարկվել է անձի թվային նույնականացման «ԵՍ ԵՄ» համակարգը: Զուգահեռաբար, ակտիվորեն աշխատանքներ են տարվում հանրային ծառայության մրցունակության բարձրացման, հանրության հետ արդյունավետ հաղորդակցության ապահովման ուղղություններով: Ընդհանուր առմամբ՝ հանրային կառավարման բարեփոխումները դիտում ենք ոչ միայն և ոչ այնքան իբրև բյուրոկրատական ապարատի փոխակերպում, այլև նոր քաղաքական և քաղաքացիական մշակույթի զարգացման խթան, որը նոր որակ է հաղորդելու պետություն-քաղաքացի-բիզնես հարաբերություններին:

Ամփոփելով՝ ցանկանում եմ ևս մեկ անգամ շեշտել Հայաստանում հանրային կառավարման բարեփոխումների արդյունավետ իրականացման կարևորությունը և վստահություն հայտնել, որ համատեղ ջանքերով շարունակաբար ամրապնդելու ենք ժողովրդավարական ինստիտուտները:

Շնորհակալություն»:

Ելույթով հանդես է եկել նաև ԵՄ դեսպան Վասիլիս Մարագոսը, որից հետո ՍԻԳՄԱ-ի ծրագրերի ղեկավար Գրեգոր Վիրանթը ներկայացրել է Հայաստանում հանրային կառավարման սկզբունքների մեկնարկի հետ կապված մանրամասները: