07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
ՌԴ ԱԳՆ-ն ուշադրություն է հրավիրում Հայաստանի մասին Մեծ Բրիտանիայի պաշտպանության փոխնախարարի խոսքերին
Քաղաքականություն
11.03.2024 | 21:21
ՌԴ ԱԳՆ-ից «ՌԻԱ Նովոստի»-ին հայտնել են, որ ուշադրություն են դարձրել Մեծ Բրիտանիայի պաշտպանության փոխնախարար Ջեյմս Հիպպիի հայտարարություններին, որը նշել էր, որ պատրաստ է աջակցել Հայաստանին «Ռուսաստանից բխող սպառնալիքների» դեպքում։
«Մեզ այլևս չի զարմացնում այն փաստը, որ Լոնդոնը դադարել է թաքցնել իր բոլոր քայլերի հակառուսական էությունը հետխորհրդային տարածքում, այդ թվում՝ Հարավային Կովկասում։ Բայց Հիպպիի անկեղծացումները նաև ուղղակի հաստատում են, որ Արևմուտքը ձգտում է Հայաստանը վերածել տարածաշրջանում Մոսկվայի դեմ ուղղված գծի իր շարունակվող գործիքի»,- ասվում է ԱԳՆ հայտարարության մեջ։
Նշվել է նաև, որ այս իրավիճակը Երևանում «պատասխանատու քաղաքական գործիչների համար մտորումների առիթ է»։
Մեծ Բրիտանիայի պաշտպանության փոխնախարար Ջեյմս Հիպպին ասել էր, որ Լոնդոնը ճանաչում է ՀԱՊԿ-ին անդամակցությունը սառեցնելու՝ Հայաստանի իշխանությունների որոշումը և պատրաստ է աջակցել Երևանին «Ռուսաստանի սպառնալիքների» դեպքում։
