10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
ՀՀ-ում Ադրբեջանին «շատ լավ է» վերաբերվում 3%-ը, վատ՝ 69%-ը․ IRI-ի հարցման տվյալները
Քաղաքականություն
11.03.2024 | 20:12
Միջազգային հանրապետական ինստիտուտը (IRI) հարցումներ է իրականացրել՝ պարզելու համար, թե ՀՀ քաղաքացիները ինչպես են գնահատում ՀՀ-ի և մյուս պետությունների միջև հարաբերությունները։
Միջազգային հանրապետական ինստիտուտը հարցումներն իրականացրել է 2023 թվականի դեկտեմբերի 13-22-ն ընկած ժամանակահատվածում՝ հեռախոսային հարցման մեթոդով։ Հարցմանը մասնակցել է 18 տարին լրացած 1 508 ՀՀ քաղաքացի։
Նրանցից 25 տոկոսը կարծում է, որ ՀՀ-ի և Ռուսաստանի հարաբերությունները շատ վատ են, իսկ 4 տոկոսը՝ շատ լավ։ 66 տոկոսը շատ լավ է համարել ՀՀ-Ֆրանսիա հարաբերությունները, իսկ 1 տոկոսը՝ շատ վատ ։
Հարցման մասնակիցների գերակշիռ մասը Ֆրանսիայից հետո շատ լավ է համարում հայ-հնդկական հարաբերությունները՝ 49 տոկոսը, իսկ 1 տոկոսը՝ շատ վատ։ ԱՄՆ-ի հետ հարաբերությունները շատ լավ է համարել 29 տոկոսը, իսկ 3 տոկոսը՝ շատ վատ։
Հայաստանը հարևան պետություններից, ըստ հարցման տվյալների, շատ լավ հարաբերություններ ունի Իրանի հետ։ Նման պատասխան է տվել մասնակիցների 30%-ը։ Հարցվածներից 69 տոկոսի համար ՀՀ-ն շատ վատ հարաբերություններ ունի Ադրբեջանի հետ։ Ուշագրավ է, որ հարցման մասնակիցներից 3 տոկոսը նշել է, որ հայ-ադրբեջանական հարաբերությունները շատ լավ են։ Թուրքիայի հետ հարբերությունները շատ լավ է համարել 4 տոկոսը, իսկ շատ վատ՝ 41 տոկոսը։
Չնայած Հայաստանի և Վրաստանի միջև կոնֆլիկտ չկա, բայց հարցվածների միայն 17 տոկոսն է ասել, որ հարաբերությունները շատ լավ են, իսկ շատ վատ են 3 տոկոսի համար։ Գերակշիռ մասը՝ 65 տոկոսը, հայ-վրացական հարաբերությունները համարել է որոշ չափով լավ։
