07.04.2026 | 18:36
Կրակել է համագյուղացու ուղղությամբ, որը մահացել է. ոստիկանները «Զվարթնոց» օդանավակայանում ձերբակալել են 41-ամյա բնակչին
Ադրբեջանում երկարաձգվել է հատուկ կարանտինային ռեժիմը․ երկրի ցամաքային սահմանները փակ են 2020 թվականից
Քաղաքականություն
11.03.2024 | 14:50
Ադրբեջանի իշխանությունները ևս մեկ անգամ երկարաձգել են կորոնավիրուսի համավարակով պայմանավորված երկրում հատուկ կարանտինային ռեժիմը։ Ադրբեջանական լրատվամիջոցների հաղորդմամբ՝ համապատասխան հրամանագիրը ստորագրել է վարչապետ Ալի Ասադովը։
Հատուկ կարանտինային ռեժիմի ժամկետը երկարացվել է մինչև 2024 թվականի հուլիսի 1-ը։ Նախորդ որոշմամբ՝ այս ժամկետը սահմանվել էր մինչև 2024-ի ապրիլի 2-ը։
Ադրբեջանը կորոնավիրուսի համավարակի պատճառով 2020 թվականի մարտից գտնվում է կարանտինում, չորս տարի է՝ ցամաքային սահմանները փակ են։
Չնայած Առողջապահության համաշխարհային կազմակերպությունը հայտարարել է աշխարհում COVID-19-ի համաճարակի ավարտի մասին, աշխարհի բոլոր երկրները դուրս են եկել կարանտինային ռեժիմից, Ադրբեջանում կարանտինային ռեժիմը պարբերաբար երկարաձգվում է, թեև համաճարակի հետ կապված բոլոր սահմանափակումները հանվել են։
Երկրի իշխանությունները որևէ բացատրություն չեն տալիս ցամաքային սահմանները փակ պահելու վերաբերյալ։
