15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ՀՀ-ն ՌԴ-ին նամակ է գրել «Զվարթնոցից» ռուս սահմանապահներին հեռացնելու հարցով. ԱԽ քարտուղար․ ՏԵՍԱՆՅՈՒԹ
Քաղաքականություն
06.03.2024 | 17:29
«Զվարթնոց» օդանավակայանում ծառայություն պետք է իրականացնեն ՀՀ սահմանապահ զորքերը: Այս մասին ԱԺ-ում լրագրողներ հետ ճեպազրույցում հայտարարեց Անվտանգության խորհրդի քարտուղար Արմեն Գրիգորյանը։ ԱԽՔ քարտուղարը նաև հայտնեց, որ Հայաստանն այս հարցում հստակ դիրքորոշում ունի և դրա մասին Ռուսաստանին տեղյակ պահել է պաշտոնական նամակով։
«Հայաստանն անկախության շրջանում տարբեր ուղղություններով կարողություններ է ձեռք բերում, այս պահին Հայաստանը կարողություն ունի օդանավակայանում ամբողջական վերահսկողություն իրականացնելու համար»,- նշեց Գրիգորյանը։
Հիշեցնենք, որ ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը ասել էր, թե «Զվարթնոց» օդանավակայանից ռուս սահմանապահներին հեռացնելու որոշում Հայաստանի կողմից ընդունված չէ և Ռուսաստանին նման բանի մասին տեղյակ չի պահվել։
