11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
ՀԱՊԿ-ը մեզ ոչ մի բանով չի օգնել, բացի վնաս տալուց․ Գագիկ Մելքոնյան
Քաղաքականություն
05.03.2024 | 13:11
«Այսքան ժամանակ ՀԱՊԿ-ը մեզ ոչ մի բանով չի օգնել, բացի վնաս տալուց, ոչ մի բան չի արել»,- «Եռաբլուր»-ում լրագրողների հետ զրույցում ասել է ՔՊ-ական պատգամավոր, ԱԺ պաշտպանության և անվտանգության մշտական հանձնաժողովի անդամ Գագիկ Մելքոնյանը։
Ըստ պատգամավորի՝ երբ հակառակորդի զորքերը ներխուժում էին ՀՀ ինքնիշխան տարածք, ՀԱՊԿ-ից նույնիսկ քաղաքական հայտարարություն չէր հնչում։ Իշխանական պատգամավորի կարծիքով, պետք է կարողանանք մեր անվտանգության հարցերը լուծել ինքներս։
«Մեզ հիմա պետք է, որ ունենանք լավ սպառազինություն, ինչպես տեսնում եք՝ տարբեր երկրների հետ ունենք պայմանագրեր, զենք ենք ձեռք բերում։ Մենք պետք է հույսը դնենք մեզ վրա, մեր անվտանգության մասին մենք պետք է մտածենք, որովհետև համոզվեցինք, որ այսքան ժամանակ ՀԱՊԿ-ը մեզ ոչ մի բանով չի օգնել»,- համոզմունք հայտնեց Գագիկ Մելքոնյանը։
Հիշեցնենք՝ վարչապետ Նիկոլ Փաշինյանը Ազգային ժողովում հայտարարել էր, որ «ՀԱՊԿ-ի հետ հարաբերությունները դե ֆակտո սառեցրել ենք, և եթե այս գործընթացը շարունակվի, դե յուրե էլ պետք է սառեցնենք»։
«ՀԱՊԿ-ը, ի հեճուկս սեփական պարտավորությունների, որ պետք է ապահովեր ՀՀ անվտանգության նկատմամբ համարժեք դիրքորոշում և պատասխան, անում է ուղիղ հակառակը»,- ասել էր վարչապետը։
Իսկ ԱԺ նախագահ Ալեն Սիմոնյանն էլ իր հերթին լրագրողների հետ զրույցում նշել էր, որ ՀԱՊԿ-ից դուրս գալու որոշում կայացված չէ, բայց որևիցե մեկը չի բացառում։
