07.10.2026 | 15:18
Ահազանգ. «Գուստավ» ռեստորանի մենեջերը թաքնված տեսախցի՞կ է տեղադրել աղջիկների զուգարանում
Փաշինյանի ավտոշարասյան անցնելու պատճառով քաղաքացիները շուրջ 20 րոպե խցանման մեջ էին հայտնվել
05.03.2024 | 12:15
Սպարապետ Վազգեն Սարգսյանի 65-ամյակի կապակցությամբ բարձրաստիճան պաշտոնյաներն առավոտյան «Եռաբլուր» պանթեոն էին այցելել։ Իսակովի պողոտան տևական ժամանակ փակվել էր, երթևեկությունը կաթվածահար էր եղել, որպեսզի Փաշինյանի և մյուսների ավտոշարասյունն անարգել հասնի զինվորական պանթեոն։ Factor.am-ի թղթակիցը ֆիքսել է, որ առավոտյան ժամը 09։00-ից կաթվածահար եղած պողոտայում 20 րոպե խցանման մեջ սպասելուց հետո քաղաքացիներից շատերը դուրս էին եկել տրանսպորտային միջոցներից և ոտքով էին ճանապարհը շարունակում։
«Սա էլ նոր ձև է, որ Նիկոլ Փաշինյանի ավտոշարասյան պատճառով երթևեկությունը կանգնեցնում են, գործից ուշանում ենք, այդ մասին մտածող չկա, միայն անհարմարություն են պատճառում մեզ»,- դժգոհեց թիվ 43 ավտոբուսի ուղևորներից մեկը։
Հավելենք, որ Նիկոլ Փաշինյանն այնուհետև մեկնել է Եգիպտոս՝ երկօրյա աշխատանքային այցով, և օդանավակայան տանող ճանապարհին ևս երթևեկության խնդիրներ են եղել։
Նկատենք, որ վերջին շրջանում հաճախ են լինում դեպքեր, երբ վարչապետի ավտոշարասյան երթևեկությունն ապահովելու հետևանքով խոշոր խցանումներ են առաջանում։
Հիշեցնենք, որ 2022 թվականին էլ Լեո-Պարոնյան փողոցների խաչմերուկում դժբախտ պատահար էր տեղի ունեցել: Նիկոլ Փաշինյանի շարասյան մեքենաներից մեկը վրաերթի էր ենթարկել 28-ամյա հղի կնոջը, որը մահացել էր։
Մանյա Պողոսյան
