26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Ադրբեջանը հայտնում է զինված ուժերում զինծառայողի կորստի մասին
Քաղաքականություն
05.03.2024 | 11:48
Ադրբեջանի բանակում զինծառայող է ինքնասպան եղել, գրում են տեղական լրատվամիջոցները։ Մասնավորապես հաղորդվում է, որ Շամքիրի զինվորական դատախազությունում տեղեկություն է ստացվել ՊՆ N զորամասի զինծառայող Մուսա Էխտիրամ օղլու Էյվազլիի ինքնասպանության մասին։
Հաղորդվում է, որ դեպքի առթիվ Ադրբեջանի քրեական օրենսգրքի համապատասխան հոդվածով հարուցվել է քրեական գործ, հարցաքննվել են վկաներ, նշանակվել են տարբեր փորձաքննություններ և անհապաղ կատարվել են անհրաժեշտ քննչական գործողություններ։ Նախաքննությունը շարունակվում է։
Կասպյան պաշտպանական հետազոտությունների ինստիտուտն էլ վերջերս հրապարակել էր 2023 թվականին Ադրբեջանի անվտանգության և պաշտպանության ոլորտի մոնիթորինգի արդյունքները։ Հաղորդվում է, որ Ադրբեջանի ԶՈՒ-ն առնվազն 260 զինծառայողի կորուստ է ունեցել։ Նրանցից 212-ը մարտական կորուստներ են, 48-ը՝ ոչ մարտական։ Ըստ զեկույցի՝ 20 զինվոր ինքնասպան է եղել։
