15.01.2026 | 16:35
Ավանեսյանը` վերադարձված գերիների առողջական վիճակի մասին․ ՏԵՍԱՆՅՈՒԹ
Թուրքիայի հետախուզական ծառայության ղեկավարն ԱՄՆ-ում է․ քննարկելու է նաև Հարավային Կովկասում իրավիճակը
Քաղաքականություն
05.03.2024 | 16:50
Թուրքիայի Ազգային հետախուզական ծառայության (MİT) ղեկավար Իբրահիմ Քալընը մեկնել է ԱՄՆ։ Նա հանդիպումներ է ունենալու հետախուզության պաշտոնյաների հետ, շփումներ կունենա նաև Սպիտակ տանը, Կոնգրեսում և արտաքին գործերի նախարարությունում։
Թուրքական լրատվամիջոցների փոխանցմամբ՝ նրա այցի օրակարգում են երկկողմ հարաբերությունները, ինչպես նաև «ահաբեկչական կազմակերպությունների դեմ պայքարը, ինչպիսիք են PKK-ն, FETO-ն և ԻԼԻՊ-ը»։
Քալընը նաև բանակցություններ է անցկացնելու Գազայում, Իրաքում և Սիրիայում պատերազմի դադարեցման և հրադադարի հարցերի շուրջ։
Հանդիպմանը քննարկվելու են նաև Ռուսաստանի և Ուկրաինայի միջև ընթացող պատերազմը, Հարավային Կովկասի տարածաշրջանում հիմնախնդիրները։
Նշենք, որ Թուրքիայի ԱԳ նախարար Հաքան Ֆիդանը Անթալիայի դիվանագիտական ֆորումում հայտնել էր, որ պետքարտուղար Էնթոնի Բլինքենի հրավերով այս շաբաթ մեկնում է ԱՄՆ՝ մասնակցելու երկու երկրների ռազմավարական մեխանիզմի խորհրդի նիստին։
