25.06.2026 | 12:57
Ռումինիայի Պատգամավորների պալատն առանց քվեարկության հաստատել է Մոլդովայի հետ միավորման մասին օրինագիծն ու ուղարկել Սենատ
Պուտինի և Փաշինյանի միջև շփումներ այս պահին նախատեսված չեն․ Պեսկով
Քաղաքականություն
04.03.2024 | 13:40
Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի շփումները, եթե անհրաժեշտ լինի, կարող են արագ կազմակերպվել, առայժմ դրանք նախատեսված չեն։ ՏԱՍՍ-ի փոխանցմամբ՝ լրագրողներին այս մասին ասել է ՌԴ նախագահի մամուլի քարտուղար Դմիտրի Պեսկովը։
«Ոչ, այս պահին բարձր մակարդակով շփումներ չկան նախատեսված աշխատանքային գրաֆիկում։ Սրա հետ մեկտեղ, անհրաժեշտության դեպքում, իհարկե, նման շփումներ կարող են լինել, հեռախոսային զրույցները բավականին արագ կարող են կազմակերպվել»,- ասել է Կրեմլի ներկայացուցիչը։
Հիշեցնենք, որ ավելի վաղ ՌԴ ԱԳ նախարար Սերգեյ Լավրովը հայտարարել էր, որ Ռուսաստանը հույս ունի պատասխան ստանալ Հայաստանից՝ կապված պարտավորությունների կատարման, ինչպես նաև համատեղ ինտեգրացիոն կառույցներին, այդ թվում՝ ՀԱՊԿ-ին մասնակցության վերաբերյալ։
Նիկոլ Փաշինյանն ավելի վաղ հայտարարել էր, որ Երևանը օրինական կերպով կսառեցնի իր անդամակցությունը Հավաքական անվտանգության պայմանագրի կազմակերպությանը, եթե կազմակերպությունը չկատարի իր պարտավորությունները ՀՀ-ի նկատմամբ։
