27.04.2026 | 22:34
Թուրքիայի ցամաքային զորքերի հրամանատարն այցով Ադրբեջանում է
«Միջուկային պատերազմի մասին Պուտինի խոսքերն անպատասխանատու են»․ ԱՄՆ պետքարտուղարություն
Քաղաքականություն
02.03.2024 | 15:29
ԱՄՆ-ն դատապարտել է Վլադիմիր Պուտինի խոսքերը միջուկային պատերազմի մասին․ գրում է VOA—ն։
Հինգշաբթի ԱՄՆ պետքատուղարության խոսնակ Մեթյու Միլլերը Պուտինի խոսքերը որակել է անպատասխանատու և ասել, որ որևէ նշան չկա, թե Ռուսաստանը իրականում պատրաստվում է միջուկային զենքի կիրառմանը:
«Սա առաջին անգամը չէ, որ ականատես ենք լինում Վլադիմիր Պուտինի անպատասխանատու հռետորաբանությանը։ Միջուկային զենք ունեցող պետության ղեկավարը չի կարող արտահայտվել [նման կերպ]։ Նախկինում մենք ուղիղ շփվել ենք Ռուսաստանի հետ՝ միջուկային զենքի կիրառման հետևանքների մասին»,- ճեպազրույցի ընթացքում ասել է Միլլերը:
Հիշեցնենք, իր ամենամյա ելույթում՝ հինգաշբթի, Պուտինը նախազգուշացրել էր Արևմուտքին «ողբերգական հետևանքների» մասին, եթե արևմտյան որևէ երկիր զորքեր ուղարկի Ուկրաինա:
«Այն ամենը, ինչ ասում է Արևմուտքը, միջուկային զենքի կիրառմամբ հակամարտության իրական վտանգ է ստեղծում»,- ասել է Պուտինը։
Սպիտակ տունն ու պետքարտուղարությունն ավելի վաղ հայտարարել էին, որ ԱՄՆ-ն մտադիր չէ զորքեր ուղարկել Ուկրաինա։
Մեծ Բրիտանիան, Գերմանիան, Իսպանիան, Իտալիան, Լեհաստանը և Չեխիան նույնպես հավաստել են, որ նման ծրագրեր չունեն:
