07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Մենք կշարունակենք ՀՀ-ի հետ հարաբերությունների կարգավորման գործընթացը․ Էրդողան
Քաղաքականություն
01.03.2024 | 17:52
Թուրքիայի նախագահ Ռեջեփ Թայիփ Էրդողանը ելույթ է ունեցել Անթալիայի դիվանագիտական ֆորումի պաշտոնական բացմանը՝ հայտարարելով, որ չնայած աշխարհում բացասական իրավիճակին՝ Անկարան վճռականորեն առաջ է շարժվում դեպի «Թուրքիայի դարի» նպատակները:
Նա անդադարձել է նաև Հայաստանի հետ հարաբերությունների կարգավորման գործընթացին՝ ասելով, թե «Ղարաբաղը արտահոսող վերք էր, որի խնդիրը լուծել են Ադրբեջանի հետ միասին»։
«Մենք շարունակելու ենք Ադրբեջանի հետ սերտ համակարգմամբ իրականացնել կարգավորման գործընթացը, որը սկսել ենք Հայաստանի հետ՝ Ղարաբաղի 30-ամյա «օկուպացիայի» ավարտից հետո»,- ասել է Թուրքիայի նախագահը։
Հիշեցնենք՝ Անթալիայի դիվանագիտական ֆորումին մասնակցում է նաև ՀՀ ԱԳ նախարար Արարատ Միրզոյանի գլխավորած պատվիրակությունը։
