08.12.2025 | 16:06
ԱՄՆ-ը նախատեսում է առաջիկա երկու տարիների ընթացքում Ուկրաինային 800 միլիոն դոլարի ռազմական աջակցություն հատկացնել
Հայաստանի և Թուրքիայի հատուկ բանագնացները կարող են հանդիպել Երևանում
Քաղաքականություն
01.03.2024 | 14:59
Հայաստանի հետ հարաբերությունների կարգավորման հարցով Թուրքիայի հատուկ բանագնաց Սերդար Քըլըչը Անթալիայի դիվանագիտական ֆորումում հայտարարել է, թե Հայաստանում որոշ իրադարձություններն են խանգարել երկուստեք եղած պայմանավորվածությունների կատարմանը (խոսքը երրորդ երկրների քաղաքացիների և դիվանագիտական անձնագրով անձանց համար սահմանի բացումն է)։ Նա չի մասնամասնել, թե ինչ իրադարձություններ նկատի ունի։
Քըլըչը նշել է, որ Հայաստանի և Թուրքիայի միջև չվերթներ են գործում՝ հավելելով, որ նախ և առաջ պետք է հանդիպել, խոսել ու լուծումներ գտնել։
«Ռուբենին հրավիրել եմ Անկարա, պատրաստ եմ գալ Երևան՝ բանակցությունների համար։ Ավելի քան 1 տարի է՝ չենք կարողանում հանդիպել»,- ասել է նա։
Ի պատասխան՝ Ռուբեն Ռուբինյանն ասել է, որ Հայաստանի և անձամբ իր կողմից որևէ նախապայման չի եղել հանդիպելու հարցում։
ՀՀ ԱԺ փոխխոսնակն ասել է, որ հանդիպման հարցը հնարավոր է լուծել, ավելի ուշ կքննարկեն այն։
