09.04.2026 | 23:32
Պուտինը հայտարարել է «զատկական հրադադար»
Հայտնի է՝ երբ կարող է տեղի ունենալ Նավալնիի հուղարկավորությունը
Քաղաքականություն
26.02.2024 | 17:04
Ռուս ընդդիմադիր գործիչ Ալեքսեյ Նավալնիի հուղարկավորությունը կարող է տեղի ունենալ այս շաբաթվա վերջին, ընկերները սրահ են փնտրում՝ Նավալնիին հրապարակային հրաժեշտ տալու համար։ Այս մասին X-ում հայտնել է նրա մամուլի քարտուղար Կիրա Յարմիշը։
Քննիչները Նավալնիի մարմինը մորը՝ Լյուդմիլա Նավալնայային են փոխանցել անցյալ շաբաթ օրը՝ փետրվարի 24-ին։ Ավելի վաղ հաղորդվում էր, որ քաղաքական գործչին կարող են հուղարկավորել Մոսկվայի Խովանսկոյե գերեզմանատանը։
Հակակոռուպցիոն հիմնադրամի տնօրեն Իվան Ժդանովը նշել է, որ քննիչները խնդրել են Լյուդմիլա Նավալնայային հուղարկավորել որդուն առանց ավելորդ հրապարակայնության։ Գործչի մայրը, սակայն, չի համաձայնել, այդ պատճառով տեսաուղերձ է տեսագրել, որում խոսել է Քննչական կոմիտեի աշխատակիցների սպառնալիքների մասին։
Ալեքսեյ Նավալնիի մարմինը մեկ շաբաթ չէին փոխանցում ընտանիքին։ Այդ կապակցությամբ Նավալնիի մոր փաստաբանները դիմում են ներկայացրել Քննչական կոմիտե՝ մահացածի մարմինը պղծելու հոդվածով քրեական գործ հարուցելու խնդրանքով (ՌԴ Քրեական օրենսգրքի 244-րդ հոդված), ասել է Ժդանովը։
Հիշեցնենք՝ Ռուսաստանի Յամալո-Նենեց ինքնավար շրջանի դաշնային քրեակատարողական ծառայությունը փետրվարի 16-ին հայտարարեց Նավալնիի մահվան մասին։ Գերատեսչության տվյալներով՝ քաղաքական գործիչը «զբոսանքից հետո իրեն վատ է զգացել՝ գրեթե անմիջապես կորցնելով գիտակցությունը»։ Վերակենդանացման միջոցառումները արդյունք չեն տվել։
Ալեքսեյ Նավալնիի մահից հետո անհայտ էր դիակի գտնվելու վայրը։ Միայն մեկ շաբաթ անց Լյուդմիլա Նավալնայան կարողացել է տեսնել որդու մարմինը։ Քննիչները քաղաքական գործչի մորն ասել են, որ մարմինը չեն հանձնի երկու շաբաթ, քանի որ այն իբր ուղարկվել է քիմիական փորձաքննության։ Մայրը բողոք է ներկայացրել Քննչական կոմիտեի գործողությունների դեմ, իսկ արտերկրում գտնվող տասնյակ հայտնի ռուս հասարակական գործիչներ հանդես են եկել Ռուսաստանի իշխանություններից պահանջով քաղաքական գործչի մարմինը մորը վերադարձնելու պահանջով։
«Հուղարկավորությունը դեռ առջևում է: Մենք չգիտենք՝ արդյո՞ք իշխանությունները կխոչընդոտեն, որ այն անցկացվի այնպես, ինչպես ընտանիքն է ցանկանում և ինչպես արժանի է Ալեքսեյը: Մենք տեղեկությունը կհայտնենք, երբ այն հասանելի լինի»,- ասել է քաղաքական գործչի մամուլի քարտուղար Կիրա Յարմիշը:
