15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
Բաքվի դատարանն ընդդիմադիր լրագրողներին 9 և 4 տարի ժամկետով ազատազրկման է դատապարտել
Քաղաքականություն
26.02.2024 | 17:15
Բաքվի ծանր հանցագործությունների դատարանն ավարտել է ընդդիմադիր Xural TV ինտերնետային ռեսուրսի ղեկավար Ավազ Զեյնալիի և յութուբյան Sada TV ալիքի ղեկավար Էլնուր Շուքուրովի դատավարությունը։ Ադրբեջանական լրատվամիջոցների հաղորդմամբ՝ երկու մեղադրյալներն էլ ցուցմունքներն ավարտել են՝ խնդրելով դատարանին արդարացնել իրենց։
Դատարանը խորհրդակցելուց հետո հրապարակել է վճիռը, որի համաձայն՝ Ավազ Զեյնալին դատապարտվել է 9, Էլնուր Շուքուրովը՝ 4 տարի ժամկետով ազատազրկման։ Դատարանը բռնագրավել է նաև Զեյնալիի բնակարանի խուզարկության ժամանակ առգրավված 16 հազար մանաթը։
Դատախազը պահանջում էր Զեյնալիին մեղավոր ճանաչել ՔՕ-ի 311 (կաշառք վերցնել) և 312-1.1 (ապօրինի ազդեցություն պաշտոնատար անձի որոշման վրա) հոդվածներով և դատապարտել 10 տարվա ազատազրկման, իսկ Շուքուրովին՝ 5 տարվա ազատազրկման։
Նշենք, որ Ավազ Զեյնալին և նրա փաստաբան Էլչին Սադիգովը ձերբակալվել էին 2022 թվականի սեպտեմբերի 10-ին՝ կաշառք վերցնելու կասկածանքով, իսկ սեպտեմբերի 11-ին դատարանը երկուսին էլ կալանավորել էր։ Հետաքննության տվյալներով՝ Զեյնալին Սադիգովի միջնորդությամբ 20 հազար մանաթ կաշառք է ստացել ձերբակալված գործարար Ռասիմ Մամեդովի ընտանիքից՝ նրա մասին վարկաբեկող տեղեկություններ չհրապարակելու համար։
Սեպտեմբերի 17-ին Բաքվի վերաքննիչ դատարանը Սադիգովի նկատմամբ տնային կալանք էր սահմանել՝ նրա գործը բաժանելով առանձին վարույթի։
Ավելի ուշ Զեյնալիին նոր մեղադրանք է առաջադրվել՝ 312-1.1 հոդվածով։ Նույն մեղադրանքով ձերբակալվել է նաև Էլնուր Շուքուրովը։ Նա բանտում է 2022 թվականի սեպտեմբերի 13-ից։
Հավելենք, որ նախորդ տարվա նոյեմբերից Ադրբեջանի իշխանություններն ուժեղացրել են բռնաճնշումներն անկախ ու ընդդիմադիր լրագրողների ու գործիչների նկատմամբ։ Առնվազն 10-ից ավելի լրագրող է ձերբակալվել, միջազգային կառույցները կոչ են անում ազատ արձակել նրանց։
Էմմա Չոբանյան
