22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Մերձմոսկվայում երկու քույրեր են բերման ենթարկվել Նավալնիի մասին թռուցիկներ փակցնելու համար
Քաղաքականություն
23.02.2024 | 22:21
Մերձմոսկվայում երկու քույրեր են բերման ենթարկվել բանտում մահացած ընդդիմադիր գործիչ Ալեքսեյ Նավալնիի մասին թռուցիկներ փակցնելու համար: Ձերբակալվածներից մեկը (անունը չի նշվում) OVD-Info-ին (Ռուսաստանում «օտարերկրյա գործակալ» հայտարարված մարդու իրավունքների պաշտպանությամբ զբաղվող նախագիծ) պատմել է, որ նախօրեին իրենց տարել են քաղաքի ոստիկանության բաժին, որտեղ սկսել են հարցնել, թե որտեղից են քույրերը թռուցիկներն ստացել, և արդյո՞ք արտերկրից ինչ-որ մեկը նրանց նման հանձնարարություն է տվել։
OVD-Info-ի զրուցակիցը պնդում է, որ ոստիկանությունը սպառնացել է նրանց «ծայրահեղականության» հոդվածներով քրեական մեղադրանքով, ինչպես նաև ասել են, որ նրանց կարող են հեռացնել համալսարանից։ Ինչպես պատմել է աղջիկը, ստուգվել է ձերբակալվածների հեռախոսների պարունակությունը։
Նույն օրը նրանց ազատ են արձակել։ Հայտնի չէ՝ նրանց դեմ արձանագրություն կազմվե՞լ է, թե՞ ոչ։
