22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Ռուսաստանի քաղաքներում Նավալնիի հիշատակին նվիրված ցույցերի ժամանակ ավելի քան 250 մարդ է բերման ենթարկվել
Քաղաքականություն
17.02.2024 | 17:59
Ռուսաստանի քաղաքներում ավելի քան 250 մարդ է բերման ենթարկվել ընդդիմության առաջնորդ Ալեքսեյ Նավալնիի հիշատակին նվիրված ցույցերի ժամանակ։ Այս մասին Present Time-ի եթերում խոսել է OVD-Info-ի աշխատակից Դմիտրի Անիսիմովը։
Ձերբակալվածների մեծ մասը Սանկտ Պետերբուրգում է եղել՝ մոտ 130 մարդ։ Երեկ այնտեղ առանձնակի դաժան ձերբակալություններ են եղել։ Փաստաբաններին երկար ժամանակ թույլ չեն տվել մտնել ոստիկանության բաժիններ։ Բացի այդ, Սանկտ Պետերբուրգի ոստիկանությունը օգտագործռլ է մահակներ, թեև ձերբակալվածները չեն դիմադրում, նշել է Անիսիմովը: Այս պահին հայտնի են ձերբակալությունների փաստեր Ռուսաստանի 21 քաղաքներում։
Հիշեցնենք՝ ռուսաստանցի ընդդիմադիր գործիչ Ալեքսեյ Նավալնին մահացել է ուղղիչ գաղութում։ Այս մասին հայտնել էր Յամալ-Նենեց ինքնավար օկրուգի դաշնային քրեակատարողական ծառայությունը։
