12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Ալեքսեյ Նավալնիի կինն ու մայրը հայտարարություն են տարածել
Քաղաքականություն
16.02.2024 | 19:21
Ռուս ընդդիմադիր քաղաքական գործիչ Ալեքսեյ Նավալնիի կինը հայտարարություն է տարածել նրա մահվան հետ կապված լուրերից հետո, փոխանցում է Current time-ը։
«Չգիտեմ՝ հավատա՞մ, թե՞ ոչ այդ սարսափելի լուրերին, որոնք մենք ստանում ենք միայն ՌԴ պետական աղբյուրներից։ Երկար տարիներ մենք չենք կարող վստահել Պուտինին և նրա կառավարությանը։ Նրանք միշտ ստում են։ Բայց եթե դա ճիշտ է, ես ուզում եմ, որ Պուտինը, նրա կառավարությունն իմանան, որ պատասխանատվության կենթարկվեն մեր երկրի, իմ ընտանիքի և ամուսնուս հետ իրենց արածի համար: Եվ այդ օրը կգա շատ շուտով: Ես ուզում եմ կոչ անել ամբողջ համաշխարհային հանրությանը, այս սենյակում գտնվող բոլորին, աշխարհի բոլոր մարդկանց, որպեսզի մենք միավորվենք և հաղթենք այս չարիքին, հաղթենք սարսափելի ռեժիմին, որն այժմ Ռուսաստանում է: Այս ռեժիմը և Վլադիմիր Պուտինը պետք է անձնական պատասխանատվություն ստանձնեն այն բոլոր սարսափելի բաների համար, որոնք նրանք արել են իմ երկրի, մեր երկրի՝ Ռուսաստանի հանդեպ վերջին տարիներին»,- ասել է նա՝ ելույթ ունենալով Մյունխենի համաժողովում։
Հայտարարությամբ է հանդես եկել նաև Ալեքսեյ Նավալնիի մայրը։
«Չեմ ցանկանում որևէ ցավակցություն լսել։ Որդուս տեսել եմ ամսի 12-ին գաղութում, տեսակցության էինք։ Ողջ էր, առողջ, կենսուրախ»,- հայտարարել է Նավալնիի մայրը՝ Լյուդմիլա Նավալնայան։
