01.05.2026 | 11:01
Աշխատանքի շնորհիվ ենք ստեղծում նոր արժեքներ և ամրապնդում մեր երկրի տնտեսական հիմքերը․ ՀՀ նախագահ
Պետքարտուղարությունն ու Սպիտակ տունը՝ Նավալնիի մահվան մասին
Քաղաքականություն
16.02.2024 | 18:23
ԱՄՆ Պետքարտուղարությունն ու Սպիտակ տունն անդրադարձել են ՌԴ բանտում ռուս ընդդիմադիր քաղաքական գործիչ Ալեքսեյ Նավալնիի մահվան մասին լուրերին, փոխանցում է BBC-ի ռուսական ծառայությունը։
«Նախ և առաջ, եթե այս լուրերը համապատասխանում են իրականությանը, ապա մեր ցավակցություններն ենք հայտնում նրա կնոջն ու ընտանիքին։ Նրա մահը ռուսական բանտում և մեկ մարդու մոլուցքն ու վախը միայն ընդգծում են Պուտինի կառուցած համակարգի թուլությունն ու նեխվածությունը: Դրա պատասխանատվությունը կրում է Ռուսաստանը։ Մենք այն կքննարկենք շատ այլ երկրների հետ, որոնք մտահոգված են Ալեքսեյ Նավալնիի ճակատագրով, հատկապես, եթե պարզվի, որ այդ լուրերը համապատասխանում են իրականությանը»,- ասվում է Պետքարտուղարության մեկնաբանությունում։
«Եթե հաստատվի, ապա դա սարսափելի ողբերգություն է։ Եվ հաշվի առնելով Ռուսաստանի կառավարության՝ իր հակառակորդներին վնաս պատճառելու երկար ու պիղծ պատմությունը, սա իրական և ակնհայտ հարցեր է առաջացնում, թե կոնկրետ ինչ է տեղի ունեցել»,- հայտարարել է Սպիտակ տան ազգային անվտանգության հարցերով խորհրդական Ջեյք Սալիվանը։
