15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Ակնհայտ է՝ սպանվել է Պուտինի կողմից․ Զելենսկին՝ Նավալնիի մահվան մասին
Քաղաքականություն
16.02.2024 | 18:13
Ալեքսեյ Նավալնին, որը մահացել է այսօր՝ փետրվարի 16-ին, ակնհայտորեն սպանվել է ռուս բռնապետ Վլադիմիր Պուտինի կողմից։ Այս մասին Գերմանիայի կանցլեր Օլաֆ Շոլցի հետ համատեղ մամլո ասուլիսի ժամանակ հայտարարել է Ուկրաինայի նախագահ Վլադիմիր Զելենսկին, փոխանցում է RBK-ի ուկրաինական ծառայությունը։
«Հենց նոր հայտնի դարձավ, որ ՌԴ բանտում մահացել է Ալեքսեյ Նավալնին։ Ակնհայտ է, որ նա սպանվել է Պուտինի կողմից, ինչպես և այլ հազարավոր նահատակներ, ովքեր տառապել են այդ մեկ էության պատճառով։ Պուտինի համար միևնույն է, թե ով կզոհվի, միայն թե նա պահի իր դիրքերը»,- հայտարարել է Ուկրաինայի նախագահը։
Ավելի վաղ հայտնի էր դարձել, որ ընդդիմադիր Նավալնին մահացել է գաղութում։ Ըստ հրապարակված տեղեկությունների՝ զբոսնելուց հետո նա իրեն վատ է զգացել՝ գրեթե անմիջապես կորցնելով գիտակցությունը։ Նշվում է, թե «ձեռնարկվել են անհրաժեշտ վերակենդանացման միջոցառումներ, սակայն նրան փրկել չի հաջողվել»։
Ալեքսեյ Նավալնին թիմը դեռևս չի հաստատել նրա մահվան մասին լուրերը։
Ռուս ընդդիմադիր գործիչը 47 տարեկան էր։
