07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Ռոնալդուն գոլերով հավասարվել է Մեսիին՝ չհաշված 11-մետրանոցները
16.02.2024 | 14:00
Սաուդյան Արաբիայի փոխչեմպիոն «Ալ Նասրի» պորտուգալացի հարձակվող Կրիշտիանու Ռոնալդուն «Ալ Ֆայհայի» դեմ Ասիայի Չեմպիոնների լիգայի 1/8 եզրափակիչի առաջին խաղում (1-0) խփել է կարիերայի 713-րդ գոլը՝ չհաշված 11-մետրանոցները․ գրում է vnews.am-ը։
Այդ ցուցանիշով 39-ամյա ֆուտբոլիստը հավասարվել է աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսիին, հաղորդում է MessivsRonaldo-ն։
Հիշեցնենք, որ դա Կրիշտիանու Ռոնալդուի 1000-րդ հանդիպումն էր ակումբային կարիերայում։ «Ոսկե գնդակի» 5-ակի դափնեկիրը գոլի հեղինակ է դառնում 23-րդ օրացուցային տարում անընդմեջ: Պորտուգալիայի հավաքականի ավագը գոլային շարքը սկսել է 2002-ին: Այս ընթացքում ամենաարդյունավետ տարին եղել է 2013-ին (69 գոլ), իսկ ամենասակավագոլը՝ 2003-ին (1 գոլ):
