04.04.2026 | 15:41
ՀՀ ՄԻՊ-ը ծանոթացել է ազատությունից զրկված անձանց պահման պայմաններին՝ «Վարդաշեն» ՔԿՀ-ում
Արփա գետում էլեկտրահարման եղանակով ապօրինի ձկնորսություն են արել․ 74-ամյա քաղաքացին ձերբակալվել է
16.02.2024 | 14:11
ՆԳՆ ոստիկանության ՊԾ Վայոց ձորի մարզի գումարտակի 2-րդ վաշտի պարեկները փետրվարի 15-ին Վայք քաղաքի տարածքում ծառայություն իրականացնելիս Արփա գետում նկատել են երկու տղամարդու: Մոտենալով՝ տեսել են, որ նրանք էլեկտրահարման եղանակով ձկնորսություն են անում․ տեղեկացնում են ՆԳՆ-ից։
Պարեկներին տեսնելով՝ նրանցից մեկը դիմել է փախուստի: Էլեկտրահարման եղանակով ձկնորսություն կատարելու անմիջականորեն ծագած կասկածի առկայության հիմքով վայքեցի 74-ամյա տղամարդը ձերբակալվել և տեղափոխվել է ոստիկանության Վայքի բաժին, որտեղ հայտնել է, որ էլեկտրական պարագաներն իրենն են, ձկները ինքն է որսացել: Ձեռնարկվում են միջոցառումներ՝ փախուստի դիմած 53-ամյա վայքեցուն հայտնաբերելու ուղղությամբ:
Կազմված փաստաթղթերն ուղարկվել են Վայոց ձորի մարզային քննչական վարչություն:
