12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Իրանը պատրաստ է ապահովել Կովկասի ռազմավարական անվտանգությունը․ Ռաիսին՝ Մհեր Գրիգորյանին
Քաղաքականություն
15.02.2024 | 17:37
Իրանի նախագահ Էբրահիմ Ռաիսին հանդիպել է ՀՀ փոխվարչապետ Մհեր Գրիգորյանի գլխավորած հայկական պատվիրակությանը։ IRNA գործակալության փոխանցմամբ՝ Ռաիսին ասել է, որ արտաքին ներգրավվածությունը տարածաշրջանային խնդիրներին ոչ միայն լուծումներ չի տալիս, այլ ավելի լուրջ մարտահրավերներ է բերում։
Նա Թեհրանի ու Երևանի հարաբերությունները բնութագրել է պատմական, բարեկամական ու կառուցողական։
Անդրադառնալով Կովկասի հարցին՝ նա ասել է, որ Իրանը կարևորում է տարածաշրջանում կայունության և անվտանգության պահպանումը։ Ռաիսին ողջունել է Հայաստանի և Ադրբեջանի միջև խաղաղության բանակցությունները՝ հայտնելով Իրանի պատրաստակամությունը՝ ապահովելու Կովկասի տարածաշրջանի ռազմավարական անվտանգությունը՝ «հաշվի առնելով Իսլամական Հանրապետության կարմիր գծերն այդ առումով»։
Իրանի նախագահը նաև իր աջակցությունն է հայտնել Թեհրանի ու Երևանի միջև բոլոր պայմանավորվածությունների լիարժեք իրականացմանը։
Հավելենք, որ հայկական պատվիրակությունը Թեհրանում է՝ մասնակցելու միջկառավարական հանձնաժողովի 18-րդ նիստին։
