25.08.2026 | 11:44
Փաշինյանը միլիոնատեր է, թե միլիարդատեր` իշխանափոխությունից հետո է պարզվելու. Սևակ Խաչատրյան․ ՏԵՍԱՆՅՈՒԹ
Լատվիայում ուժի մեջ են մտել ՌԴ-ից ավտոմեքենաների բռնագրավման վերաբերյալ փոփոխությունները
Քաղաքականություն
15.02.2024 | 16:07
Լատվիայում փետրվարի 15-ին ուժի մեջ են մտել «Ճանապարհային երթևեկության մասին» օրենքում փոփոխությունները, որոնք թույլ են տալիս առգրավել ռուսական համարանիշներով մեքենաները, գրում է DW-ի ռուսական ծառայությունը։
Այդ փոփոխությունների համաձայն՝ Ռուսաստանում գրանցված մեքենաները կարող են մասնակցել Լատվիայի երթևեկությանը միայն տարանցիկ ճանապարհով և միայն մեկ անգամ անցնելու դեպքում։ Ենթադրվում է, որ Լատվիայում ռուսական պետհամարանիշներով մեքենաների սեփականատերերը մինչև փետրվարի 14-ը պետք է գրանցեն իրենց մեքենան տեղական հասցեում կամ այն դուրս բերեն երկրից։
Delphi-ն հիշեցնում է, որ Լատվիա մուտք գործելուց առաջ սեփականատերերը պետք է էլեկտրոնային եղանակով երկրի իշխանություններին տրամադրեն տեղեկություններ մեքենայի, նրա վարորդի, ինչպես նաև այն ժամանակահատվածի մասին, որի ընթացքում մեքենան կմասնակցի Լատվիայի ճանապարհային երթեւեկությանը։ Այդ ժամանակահատվածը չպետք է գերազանցի 24 ժամը:
«Եթե տրանսպորտային միջոցը գրանցված չէ Լատվիայում կամ դիւրս չի եկել Լատվիայից և հաստատվում է դրա չարտոնված օգտագործումը ճանապարհային երթևեկության մեջ, իշխանություններն իրավունք ունեն առգրավել մեքենան։ Բացի այդ, Ռուսական պետհամարանիշներով տրանսպորտային միջոցը ապօրինի վարելու համար նախատեսում է տուգանք 750-ից 2000 եվրոյի չափով»,- պարզաբանում են լրագրողները:
