22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Պուտինի համար նախընտրելի է Բայդենը, ոչ թե Թրամփը
Քաղաքականություն
15.02.2024 | 14:10
ՌԴ նախագահ Վլադիմիր Պուտինը հայտարարել , որ ԱՄՆ նախագահի պաշտոնում Մոսկվայի համար ավելի նախընտրելի է Ջո Բայդենը, ոչ թե Դոնալդ Թրամփը։ Այս մասին նա խոսել է ВГТРК-ի թղթակից Պավել Զարուբինին տված հարցազրույցում, փոխանցում է Meduza-ն։ Զարուբինը հարցրել է՝ «Մեզ համար, ո՞վ է լավ՝ Բայդենը, թե Թրամփը»։
«Բայդենը․ նա ավելի փորձառու մարդ է, կանխատեսելի է, հին ֆորմացիայի քաղաքական գործիչ է։ Բայց մենք կաշխատենք ԱՄՆ-ի ցանկացած առաջնորդի հետ, ում վստահում է ամերիկացի ժողովուրդը»,- ասել է Պուտինը: Նրան նաև հարցրել են, թե ինչպես է վերաբերում Բայդենի առողջության մասին լուերերին։ Պուտինի խոսքով՝ դա պայմանավորված է նաև ԱՄՆ-ում նախընտրական քարոզարշավով։
«Կարծում եմ, որ ԱՄՆ-ում թափ է հավաքում ներքաղաքական արշավը։ Այն ավելի սուր դրսևորում է ստանում։ Եվ մեզ համար այդ գործընթացին միջամտելը տեղին չէ։ Ես հանդիպել եմ Բայդենին երեք տարի առաջ Շվեյցարիայում։ Այն ժամանակ էլ ասում էին, որ անգործունակ է։ Ես որևէ նման բան չեմ տեսել։ Նա նայում էր իր թղթին, ես իմ։ Իսկ այն, որ ուղղաթիռից դուրս գալիս գլխով հարվածել է։ Ով մեզ մոտ գլխով չի խփել ինչ-որ բանի, թող նա էլ առաջինը քարեր նետի»,-ասել է ՌԴ նախագահը։
Նա նաև հայտարարել է, որ ԱՄՆ վարչակազմի ներկայիս դիրքորոշումը, իր կարծիքով, «խիստ վնասակար է և սխալ»։
