22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Wizz Air-ի ինքնաթիռը ռումբի մասին հաղորդման պատճառով վերադարձել է Քութաիսիի օդանավակայան
Քաղաքականություն
14.02.2024 | 15:14
Վրացական Քութաիսիի միջազգային օդանավակայանի ղեկավարությունն այսօր որոշում է կայացրել թռիչքի օդանավակայան վերադարձնել դեպի Բարսելոն չվերթն իրականացնող ինքնաթիռը, փոխանցում է Գրուզիա օնլայնը։
«Պատճառն ավիաընկերության կողմից օդանավում պայթուցիկի հավանական առկայության մասին տեղեկությունն էր, որի հիման վրա անձնակազմը որոշել է վերադարձնել չվերթը Քութայիսիի օդանավակայան։ Բոլոր համապատասխան ծառայությունները մոբիլիզացվել են և աշխատում են տեղում»,- ասված է օդանավակայանի ֆեյսբուքյան պաշտոնական էջում հրապարակված հաղորդագրության մեջ։
Wizz Air-ի ինքնաթիռն Քութաիսիից օդ է բարձրացել ժամը 12:45-ին։ Flightradar24 պորտալի փոխանցմամբ՝ ինքնաթիռը փոխել է ուղղությունը, երբ գտնվել է Վրաստանի սևծովյան ափի մոտ։
Ինքնաթիռում եղել է Ազատություն ռադիոկայանի վրացական ծառայության լրագրողներից մեկը։ Նրա խոսքով՝ անձնակազմի անդամները խնդրել են ուղևորներին անհապաղ լքել ինքնաթիռը՝ հնարավորություն չտալով անգամ իրենց հետ տանել ուղեբեռը։
