12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Իլոն Մասկը հերքում է ՌԴ Starlink-ի մատակարարումների մասին լուրերը
Քաղաքականություն
12.02.2024 | 17:18
Ամերիկացի գործարար Իլոն Մասկը հերքել է Կիևի տեղեկություններն այն մասին, թե, իբր, Ռուսաստանին է մատակարարում Starlink արբանյակային ինտերնետային տերմինալներ։ Նա X-ի իր միկրոբլոգում գրառմամբ նման հաղորդումներն անվանել է «կեղծ լուրեր», գրում է DW-ի ռուսական ծառայությունը։
«Կեղծ լուրերի շարքում պնդվում է, որ SpaceX-ը Ռուսաստանին է վաճառում Starlink տերմինալներ։ Դա կտրականապես ճիշտ չէ: Որքանով մենք գիտենք՝ ոչ մի Starlink չի վաճառվել Ռուսաստանին ուղղակիորեն կամ անուղղակիորեն»,- գրել է Մասկը՝ գրաառման մեկնաբանություններում հավելելով․ «Եթե նույնիսկ Պուտինն ինձ անվանել է խելացի մարդ, ես նրան Starlink տերմինալներ չեմ տա»։
Իլոն Մասկն ուղղակիորեն չի պատասխանել հարցին, թե Ռուսաստանը կարո՞ղ է օգտվել Starlink տերմինալներից՝ ձեռք բերված միջնորդների միջոցով։
Փետրվարի 11-ին Ուկրաինայի Պաշտպանության նախարարության գլխավոր հետախուզական վարչությունը հայտարարել էր, որ ռուսական զորքերը մարտական գոտում օգտագործում են Starlink-ը՝ որպես ապացույց հրապարակելով ռուս զինվորականների գաղտնալսված խոսակցությունների մի հատված։ Defense One և Astra լրատվամիջոցները հայտնել էին, որ Starlink-ի տերմինալները կարող են Ռուսաստան մատակարարվել Դուբայի միջոցով:
Անցյալ տարի SpaceX-ն ուկրաինացի զինվորականներին արգելել էր օգտագործել Starlink-ը հարձակողական նպատակներով, այդ թվում՝ անօդաչու թռչող սարքերի կառավարման համար:
