24.06.2026 | 12:30
Չալաբյանը մեղադրվում է ընտրողների ընտրական իրավունքը խոչընդոտելու համար. նա պնդել է, որ մեղադրանքը սուտ է․ ՏԵՍԱՆՅՈՒԹ
ՆԱՏՕ-ն կպաշտպանի բոլոր դաշնակիցներին․ Ստոլտենբերգ
Քաղաքականություն
12.02.2024 | 14:11
ՆԱՏՕ-ի գլխավոր քարտուղար Յենս Ստոլտենբերգը քննադատել է ԱՄՆ նախկին նախագահ Դոնալդ Թրամփին՝ առանց նրա անունը հիշատակելու, գրում է DW-ի ռուսական ծառայությունը։
Ստոլտենբերգը հայտարարել է, որ ՆԱՏՕ-ի վրա ցանկացած զինված հարձակում կստանա միասնական և հզոր պատասխան։
«ՆԱՏՕ-ն նախկինի նման պատրաստ և ունակ է պաշտպանել իր բոլոր դաշնակիցներին։ Ցանկացած հարձակում ՆԱՏՕ-ի վրա կհանգեցնի միասնական ու վճռական պատասխանի։ Ցանկացած ենթադրություն, որ դաշնակիցները չեն պաշտպանի միմյանց, խաթարում է մեր համընդհանուր անվտանգությունը, այդ թվում՝ Միացյալ Նահանգների անվտանգությունը և ամերիկացի ու եվրոպացի զինվորներին մեծ ռիսկի է ենթարկում»,- հայտարարել է Ստոլտենբերգը։
Վերջինն ակնկալում է, որ ԱՄՆ-ը «կմնա ՆԱՏՕ-ի ուժեղ ու հավատարիմ դաշնակիցը»՝ անկախ այն բանից, թե ով կհաղթի երկրում նախագահական ընտրություններում։
Նախօրեին ԱՄՆ նախկին նախագահ Դոնալդ Թրամփը Հարավային Կարոլինայում իր կողմնակիցների հետ հանդիպմանը խոսել էր եվրոպացի առաջնորդների հետ իր հանդիպումներից մեկի մասին։ Ըստ Թրամփի՝ «մեծ երկրի» ղեկավարն իրեն հարցրել է՝ արդյո՞ք ԱՄՆ-ը կպաշտպանի այդ պետությանը Ռուսաստանի հարձակման դեպքում։ ԱՄՆ նախագահը պատասխանել է, որ ՆԱՏՕ-ի բյուջե վճարումները չանելու դեպքում ինքը չի պաշտպանի հարձակման ենթարկված երկրին և նույնիսկ «կխրախուսի» հարձակվող կողմին «անել այն, ինչ ուզում է»։
Թրամփը, որը դարձյալ հավակնում է ԱՄՆ նախագահի պաշտոնին, բազմիցս հայտարարել է, որ ընտրվելու դեպքում մտադիր է երկիրը դուրս բերել ՆԱՏՕ-ից։
