23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ստոլտենբերգը կոչ է արել պատրաստվել ՌԴ-ի հետ երկարատև առճակատման
Քաղաքականություն
10.02.2024 | 14:35
ՆԱՏՕ-ի գլխավոր քարտուղար Յենս Ստոլտենբերգը կարծում է, որ Վլադիմիր Պուտինը Ռուսաստանի տնտեսությունը նախապատրաստում է երկարատև պատերազմի: Նա դաշինքի անդամներին կոչ է արել պատրաստվել ՌԴ-ի հետ առճակատման, որը կարող է տևել տասնամյակներ: «Արմենպրես»-ի հաղորդմամբ՝ այս մասին հայտնում է Welt am Sonntag թերթը:
Ըստ աղբյուրի՝ նա հայտարարել է, որ ՆԱՏՕ-ի երկրները պետք է զինվեն: Մասնավորապես, պետք է ավելացնել և արագացնել պատվերները եվրոպական պաշտպանական ընկերությունների համար։
Նա նաև ընդգծել է, որ այս պահին լավագույն պաշտպանությունը Ուկրաինայի աջակցությունն է և ներդրումները ՆԱՏՕ-ի ռազմական կառույցներում:
Ընդ որում՝ Ստոլտենբերգը հավելել է, որ դաշինքը Ռուսաստանի հետ պատերազմի չի ձգտում:
