14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մեծամորի ոստիկանները բնակարանային գողության դեպք են բացահայտել
Հասարակություն
09.02.2024 | 18:09
Փետրվարի 8-ին ոստիկանության Մեծամորի բաժնում հաղորդում էր տվել Արևիկ գյուղի մի բնակիչ. փետրվարի 6-ից փետրվարի 8-ի ժամը 18.30-ն ընկած ժամանակահատվածում Մրգաշատ գյուղի նրա տնից գողացել էին հեռուստացույց, համակարգիչ, ձմեռային բաճկոններ և գործիքներ․ տեղեկացնում են ՀՀ ոստիկանությունից։
Մեծամորի ոստիկանները ձեռնարկված օպերատիվ-հետախուզական միջոցառումների շնորհիվ պարզել են, որ գողությունը կատարել են մրգաշատցի 20 և 22 տարեկան երկու երիտասարդ:
Հետագա միջոցառումների արդյունքում երիտասարդները փետրվարի 8-ի ուշ երեկոյան Մրգաշատում հայտնաբերվել, ձերբակալվել և տեղափոխվել են Մեծամորի բաժին, որտեղ խոստովանել են, որ գողությունը կատարել են իրենք, նաև հայտնել են թաքստոցի տեղը:
Անձնական խուզարկությամբ 22-ամյա երիտասարդի մոտ հայտնաբերվել է ընդհանուր 24,5 սմ երկարությամբ դանակ:
Կազմված փաստաթղթերն ուղարկվել են Արմավիրի մարզային քննչական վարչություն:
`
